Unterkirnach

	Unterkirnach
Unterkirnach (Germanio)
neurba komunumo de Germanio
Administrado
Federacia lando	Baden-Virtembergo
Distriktaro	Distriktaro Freiburg
Distrikto	Distrikto Schwarzwald-Baar
Urborajtoj	–
Telefona antaŭkodo	07721
Poŝtkodo	78089
Aŭtomobila kodo	VS
Oficiala Municipokodo	08326065
Politiko
Komunumestro	Gerold Löffler
Adreso de la administrejo	Hauptstraße 5
Demografio
Loĝantaro	2660 (stato 2022-12-31) [fonto: landa statistika oficejo (decembro 2020)]
Geografio
Geografia situo	48° 5′ N, 8° 22′ O (mapo)48.0788888888898.3647222222222Koordinatoj: 48° 5′ N, 8° 22′ O (mapo)
Alto super la marnivelo	815 m
Areo	13,17 km²
Oficiala retejo	https://www.unterkirnach.de/
	v • d • r

Unterkirnach estas komunumo en Germanio. Ĝi apartenas al la distrikto Schwarzwald-Baar, al la Regiono Nigra Arbaro-Baar-Heuberg kaj al la distriktaro Freiburg de la federacia lando Baden-Virtembergo. Fine de decembro 2022 la komunumo havis 2660 loĝantojn.

Geografio

Geografia situo

Unterkirnach kuŝas je la orienta flanko de Nigra Arbaro, ĉ. 4,5 km for de la distrikta ĉefurbo Villingen-Schwenningen.

Najbaraj komunumoj

Norde kaj oriente la komunumo limas al Villingen-Schwenningen, sude al la urbo Vöhrenbach kaj en la okcidento al la urbo St. Georgen.

Politiko

La komunumo ne apartenas al la administra unuo Villingen-Schwenningen. Unterkirnach estas memstara kaj posedas komunuman administrejon kaj komunumestran oficejon.

Konsilantaro

Al la konsilantaro post la komunuma elekto de majo 2014 krom la urbestro kiel prezidanto apartenas dekdu pliaj membroj.

Vidindaĵoj

Kirnachmühle [Muelejo de Kirnach] estas kopio de tipa nigra-arbara muelejo.
La Wildpflanzenpark [Sovaĝplanta parko] volas proksimigi al vizitantoj la ideon de naturĝardenoj.
En la Kinderbauernhof [Farmbieno de infanoj] infanoj povas konatiĝi kun la lokaj uzbestoj.

Publikaj instalaĵoj

Liberarea scenejo
Ludbienejo - tegmentita ludejo kaj agadscenejo de 1.000 m² por infanoj, kiu altiras infanojn de vasta regiono
Ekspozicio de orkestrionoj - "la unuaj orkestrionoj (muzikaŭtomatoj)" kune kun la Germana Horloĝa Muzeo en Furtwangen

Klerigo

En Unterkirnach ekzistas elementa lernejo kaj baza mezlernejo kun metieja mezlernejo. Ĉiaj pliklerigaj lernejoj troviĝas je dispono en ĉirkaŭaj urboj.

Kluboj

Subtena klubo por kulturlaboro kaj interkomunumaj kontaktoj Unterkirnach r.a.
Tenis-Klubo 75 Unterkirnach
Muzikklubo Unterkinach r.a.
Tablotenisklubo Unterkirnach
Ski-Klubo Unterkirnach r.a.
Piedpilka klubo FC Alemania Unterkirnach

Honora civitano

Siegfried Baumann, eksa urbestro

Rilatoj al Esperanto

Inter la jaroj 1967 kaj 1980 la esperantisto Bernhard Eichkorn estis pastro de la katolika paroĥo. La loka Esperanto-klubo aktivis aparte en la 1970-aj kaj 1980-aj jaroj. Ekzemple en aŭtuno 1978 kaj printempo 1981 ĝi okazigis duonjarajn kongresojn de SOGELO, kaj en somero 1978 ankaŭ "Nigra-Arbarajn Migradotagojn". Je pentekosto 1979 internacia junulara Esperanto-renkontiĝo de GEJ okazis en la komunumo,^[1] kaj en somero 1997 la unua Junulara Ekumena Esperanto-Tendaro de IKUE kaj KELI. La kunlaboro kun la Esperanto-klubo de la proksima urbo Villingen-Schwenningen ĉiam estis intensa, kaj ekde la 1990-aj jaroj la lokaj renkontiĝoj okazis komune, kadre de la grupo en Villingen-Schwenningen. La grupo daŭre okazigas eventojn en Unterkirnach, ekzemple en junio 2008 tie okazis herboinstrua migrado kaj en julio 2008 kradrosta somera festo.^[2]