Unukolora hematopo

Kiel legi la taksonomion Unukolora hematopo
Makulvariaĵo Tutnigra variaĵo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Ĥaradrioformaj Charadriiformes Familio: Hematopedoj Haematopodidae Genro: Haematopus Specio: Unukolora hematopo H. unicolor
Dunomo
Haematopus unicolor Forster, 1844
Konserva statuso
Konserva statuso: Malplej zorgiga
Aliaj Vikimediaj projektoj

La Unukolora hematopo, laŭ la scienca nomo Haematopus unicolor, sed ankaŭ Varia hematopo alude al du morfoj, estas birda specio de familio de Hematopedoj en la ordo de Ĥaradrioformaj. Ĝi estas vadbirdo endemia de Novzelando.

Aspekto

"Varia" rilatas al la fronta plumaro, kiu varias de plurkolora tra makuleca ĝis tute nigra. Ili estas polimorfaj signifante ke ili havas malsamajn genetikajn variantojn. Tiuj kolordiferencoj estas atribuitaj al la latitudo de la vivejo, kie la plej nordaj hematopoj havas signife pli da blanka koloro sur siaj korpoj ol tiuj de suda origino. Ĉiuj variaj hematopoj de la insulo Stewart estas nigraj. Ili havas rozkolorajn krurojn, oranĝan okulringon kaj oranĝruĝajn bekojn. Simile al pinglo laŭ formo, la beko estas maldika kaj longa, kaj malheliĝas al profundruĝa koloro dum la reprodukta sezono. Maskloj pezas proksimume 678 gramojn kaj inoj estas iomete pli grandaj je proksimume 724 gramoj. Longo de individuoj varias de 42 ĝis 47 cm de beko ĝis vosto kaj havas mallongan, fortikan korpon kun dika kolo.

Variaj hematopoj povas esti identigitaj ĉar ili estas iomete pli grandaj ol la Sudinsula hemantopo (kiu estas proksimume 550 gramojn peza).Foje tute nigraj, sed se ili estas plurkoloraj (nigrablankaj) ili povas esti facile konfuzeblaj kun la Sudinsula. La varia specio havas malpli da difino inter la nigra kaj la blanka areo, same kiel makulecan bendon ĉe la frontaj randoj de la subflugilo. Variaj ankaŭ havas pli malgrandan blankan pugpeceton kiu estas nur bendo trans la bazo de la vosto prefere ol larĝa kojnoformo atinganta ĝis la mezo de la dorso kiel en la Sudinsula. Kvankam ambaŭ seksoj havas la samajn plumarkolorojn kaj ŝajnas vide similaj, estas iom da korpa duformismo kaj inaj hematopoj tendencas esti iomete pli grandaj.

Distribuado kaj habitato

Haematopus unicolor estas endemio de Novzelando. La specio verŝajne restis endemia pro sia sidlokema vivostilo kaj manko de migrado, konservante ĉiujn populaciojn ene de la sama insula vivejo. Ili ofte vidiĝas en paroj sur la marbordo tute ĉirkaŭ Nov-Zelando. Ilia distribuo ĉirkaŭ Nov-Zelando estas ĉe la plej multaj marbordoj el la nordaj, sudaj kaj Stewart-insuloj kaj de kelkaj enmaraj insuloj kun la escepto de malproksimaj insuloj de la okcidenta marbordo. Kvankam ili ekzistas en pli malaltaj densecoj sur la okcidentaj marbordoj, ili estas koncentritaj en tiuj lokoj; Northland, Coromandel, Bay of Plenty, Greater Wellington, Nelson/Marlborough kaj Fjordland.

Ilia preferata vivejo estas larĝa gamo de marbordaj vivejtipoj variantaj depende de agado kaj vivejo havebla. Haematopus unicolor estas ĝenerale neniam trovebla je pli ol 30 km de la marbordo. Reproduktado kaj nestumado okazas sur sablaj marbordoj, kutime malproksime de kotaj havenoj. Oni scias, ke individuoj kunvenas en mallongaj herbejoj kaj foje manĝas en paŝtejoj post pluvo, tamen ĝenerale restas ĉirkaŭ la marbordaj strandoj, estuaroj kaj marbordoj. Ili preferas sablajn marbordajn areojn kaj evitas gruzajn strandojn kaj ŝtonetajn areojn. Ili nestumas ĉe la bordo inter rokoj aŭ sur sablaj dunoj farante skrapaĵon el la sablo aŭ gruzo, foje kovrita per iom da algoj.

Eksteraj ligiloj

• Unukolora hematopo en la Vikimedia Komunejo (Multrimedaj datumoj)
• Kategorio Unukolora hematopo en la Vikimedia Komunejo (Multrimedaj datumoj)
• Unukolora hematopo en Vikispecioj (Kolekto pri ĉiuj vivantaj estuloj)