Uzanto-Diskuto:Alquantor

Saluton

Kaj bonvenon al kreado de artikoloj. Pri la titolo de Eŭroŝtopilo, mi memorigas al vi, ke kvankam en multaj lingvoj radiko "Euro" egalas al la nomo de la kontinento, en Esperanto "eŭro" estas nur valuto, kaj por la nomo de la kontinento mankas konsonanto po. Tio donus la titolon "Eŭropŝtopilo", iom malpli facile prononcebla. Unue mi sugestas alinomon, ĉu al Eŭropa ŝtopilo, Eŭropkonektilo aŭ io tia. Due necesas ligi la artikolon al aliaj lingvoj; por tio utilas "Aldoni ligilon" fine de la maldekstra bordo. Mi ne scias ĉu vi, kiel novulo, rajtas jam uzi tiun ilon. Se ne, diru kaj mi faros tiun demarŝon. Dankon. kani (diskuto) 18:32, 7 dec. 2023 (UTC)

Mi ne povas ligi la artikolon "Eŭroŝtopilo" al aliaj lingvoj; bonvolu fari ĝin por mi.

La vorto "eŭroŝtopilo" estis difinita per maŝintradukado. Mi trovis jenajn Esperantajn vortojn, kiuj komenciĝas per la prefikso eŭro:

• Eŭrojust
• Eŭrodanco
• Eŭromajdano
• Eŭrovizia Kantokonkurso
• EŭroMilionoj
• EŭroLudoj

Ĉe paĝo https://eo.wiktionary.org/wiki/Aldono:Vortaro_angla-Esperanto_e :

• eŭrocentrisma
• eŭrokrato
• eŭroskeptika
• eŭroskeptikulo
• Eŭrovido

Mi sentas, ke komitato de Esperanto-fakuloj devus decidi ĉu "eŭroŝtopilo" estas ĝusta vorto. Mi persone preferas "eŭroŝtopilo". Alquantor (diskuto) 18:14, 9 dec. 2023 (UTC)

Plej granda parto de la listigitaj artikoloj estas rektaj tradukoj de propraj nomoj, ekzemple Eŭrovizio. Pri wiktionary, mi dubas, ke tio estas pli aŭtoritata ol PIV. Ĉar mi ne bone vidas tiun titolon, mi ne helpos en la ligo al la aliaj lingvoj. Eble iu faros tion. Dume la artikolo restos orfa, kaj neniu venos al ĝi el aliaj lingvoj; krome oni riskas, ke iu kreos similenhavan artikolon kaj ligos ĝin al la aliaj lingvoj. kani (diskuto) 22:10, 11 dec. 2023 (UTC)

Evidente, la teksto estas orfa artikolo, kaj la nomo estas ekster la esperantaj vortaraj normoj - Kani pravas ke la plej granda parto de la listigitaj artikoloj estas rektaj tradukoj de propraj nomoj (ankaŭ ekz. Eŭrostat). Ĉe ni la temo de "eŭroskeptika"j vidpunktoj kaj "eŭroskeptikulo"j nomiĝas Eŭroposkeptikismo, kun plena vortero Eŭropo-, prave. Laŭ mi "eŭroŝtopilo" ne estas ĝusta vorto, kaj laŭ la antaŭa ekzemplo devus esti "eŭropoŝtopilo" aŭ "eŭropa ŝtopilo", aŭ eĉ pli trafe "eŭropa konektingo" (vidu la aktuale prilaboratan tekston konektingo). Mi konfesas ke tio estas pli longa vorto ol la angla "Europlug", la nederlanda "Eurostekker" aŭ la germana "Eurostecker", sed male al la esperanta vorto, kiuj vortoj havas eksterajn referencojn, tial ili povas permesi al si la lukson esti pli mallongaj. ThomasPusch (diskuto) 14:05, 21 dec. 2024 (UTC)

Amperhoroj

Saluton kaj dankon pro via korekto, evidente trafa. Mi nur volas atentigi vin, ke se temas pri pli ol unu amperhoro (do fakte ĉiam) uzendas pluralo, do amperhoroj. RG72 (diskuto) 04:14, 13 mar. 2024 (UTC)

Kealakekua Golfo‎

Saluton. Mi ĵus realdonis la informkeston, kiu nun enhavas "vian" bildon. - Tre verŝajne mi iomete miskomentis antaŭe. Tlustulimu (diskuto) 20:05, 24 mar. 2024 (UTC)

Mempatrolanto

Kara kolego, vi nun havas iom pli ol 1200 esperantajn redaktojn, multaj el tiuj tre etaj, teknikaj redaktetoj, sed ankaŭ tiuj estas tre dankindaj, kaj ĉiuj redaktoj de vi kiujn mi vidis estis sencaj kaj saĝaj. Mi tial proponas nomi vin mempatrolanto, kaj mem tuj "rangaltigos" vin. Krome mi proponus al vi enskribi vin en la liston Vikipedio:Markitaj versioj/reviziantoj‎, kaj peti rajton de revizianto. La teoria avantaĝo de revizianto estas, ke tiu ne nur revizias tion kion li/ŝi ĵus faris, sed ankaŭ povas revizii antaŭajn redaktojn ekzemple de anonimuloj. Tiun rajton necesas singarde uzi, kontrolante ke oni ne erare revizias stultaĵon aŭ vandalaĵon de antaŭa uzanto, sed se oni singarde revizias antaŭajn notojn oni havas la ŝancon ke la propra redakto tuj estas en la reviziita versio. Ĉu? ThomasPusch (diskuto) 14:15, 21 dec. 2024 (UTC)