Nun mia Esperanto-agado koncentriĝas ĉe eŭropaj projektoj, tradukado kaj libro-eldonado. Mi estas la aŭtoro de la libro Konfuziloj (2017) kaj la tradukinto de kelkaj verkoj, interalie la komiksoj Trezoroj de Mirmilo (2017) kaj Cerba fetiĉo (2018) kaj la romano Solaris (2021). Regule mi kunlaboras kun pluraj polaj institucioj kiel Esperanto-tradukanto aŭ konsultanto.
Krom instrui, en Esperantujo mi interalie projektas librokovrilojn, prilaboras kaj alŝutas malnovajn fotojn kaj dokumentojn, per kiuj mi ilustras vikipediajn artikolojn, voĉlegas tekstojn, kreas ludojn kaj ekzercojn, kiujn vi povas trovi ekz. ĉe Edukado.net. Inter la temoj, kiuj min interesas, troviĝas la historio de Esperanto, kuirarto kaj aŭtorrajtoj.
