Valdeprado del Río
| Valdeprado del Río | |||
|---|---|---|---|
 | |||
municipality of Cantabria (en)   vd
| |||
|
| |||
| Blazono | |||
| Administrado | |||
| Poŝtkodo | 39419 | ||
| En TTT | Oficiala retejo [+] | ||
| Demografio | |||
| Loĝantaro | 331 (2023) [+] | ||
| Loĝdenso | 4 loĝ./km² | ||
| Geografio | |||
| Geografia situo | 42° 55′ N, 4° 5′ U (mapo)42.910555555556-4.0755555555556Koordinatoj: 42° 55′ N, 4° 5′ U (mapo) [+] | ||
| Alto | 957 m [+] | ||
| Areo | 89,3 km² (8 930 ha) [+] | ||
| Horzono | UTC+01:00 [+] | ||
_Mapa.svg)
| |||
| |||
| |||
|
| |||
| Alia projekto | |||
 Vikimedia Komunejo Valdeprado del Río [+]
| |||
.svg)
Valdeprado del Río [baldePRAdo delRIo] (Valo de la Paŝtejo de la Rivero) estas municipo en suda Kantabrio, Hispanio, en la komarko Campoo-Los Valles.
Geografio
[redakti | redakti fonton]Ĝi limas norde kun Campoo de Enmedio kaj Las Rozas de Valdearroyo, sude kun Valderredible (kiu limas kun nur ĉi tiu municipo en Kantabrio), okcidente kun Valdeolea kaj la provinco Palencio kaj oriente kun la provinco Burgoso, ambaŭ provincoj estas parto de la regiono Kastilio kaj Leono.
Demografio
[redakti | redakti fonton]Por areo de 89,33 km² estas 316 loĝantoj (laŭ censo de 2021). Komence de la 20-a jarcento la municipo superis 2 500 loĝantojn. Ekde tiam ekokazis iompostioma demografia malaltiĝo, akcelita en la 1950-aj kaj 1960-aj jaroj kiel rezulto de la rura amasmigrado okazinta en granda parto de la hispana ruro en tiu epoko. Ĉirkaŭ 1990 la loĝantaro restis en malaltaj ciferoj de ĉirkaŭ 300 loĝantoj, fakte ĉe municipo kun konsiderinda etendo. Ĝi estas la sepa municipo de Kantabrio kun malpli da loĝantaro.
La municipo estas komponita per tre malgrandaj loĝlokoj. Nur la ĉefurbo, Arroyal de los Carabeos, superas la 50 loĝantojn. Estas kelkaj loĝlokoj kiuj eĉ havas malpli ol 10 censitaj loĝantoj kaj kelkaj fakte estas senhomaj grandan parton de la jaro. Tiukadre estas vojo por piedirado nomita PRS-34 Ruta de los Pueblos Abandonados (de la forlasitaj vilaĝoj), tra kelkaj loĝlokoj de la municipo.
La 316 loĝantoj (2017) estas distribuataj jene:
| Loĝlokoj | Loĝantoj (2016)[1] | Viroj | Virinoj | Notoj |
|---|---|---|---|---|
| Aldea de Ebro | 16 | 8 | 8 | |
| Arcera | 35 | 20 | 15 | |
| Arroyal | 58 | 30 | 28 | Municipa ĉefurbo. |
| Barruelo | 26 | 11 | 15 | |
| Montes Claros | 7 | 6 | 1 | |
| Bustidoño | 10 | 6 | 4 | |
| Candenosa | 1 | 1 | 0 | Plej alta en Kantabrio. |
| Hormiguera | 31 | 18 | 13 | |
| Laguillos | 6 | 4 | 2 | |
| Malataja | 13 | 9 | 4 | |
| Mediadoro | 12 | 6 | 6 | |
| Reocín de los Molinos | 29 | 17 | 12 | |
| San Andrés | 30 | 16 | 14 | |
| San Vitores | 10 | 6 | 4 | |
| Sotillo | 20 | 10 | 10 | |
| Valdeprado del Río | 28 | 21 | 7 |
Ekonomio
[redakti | redakti fonton]Tradicie, la ekonomia agado de la municipo estis agrikulturo kaj brutobredado, sed pro la industria kerno de Reinosa kaj pro la pli ĵusa turismo, la agado translokiĝis al la sektoroj de industrio kaj servoj. En la areo estas multaj atestiloj de historio kaj pri naturo la ĉefa altiraĵo estas la Akvorezervejo de Ebro.
Aktualo
[redakti | redakti fonton]Inter vidindaĵoj estas montroj de tradicia arkitekturo, de ŝtonaj domoj, kelkaj preĝejoj kaj ermitejoj. Aparte menciindas:
- La romanika ensemblo de Aldea de Ebro, formata de preĝejo (en la foto de la tabelo), ermitejo, muzeo en kroma preĝejo kaj aparta sonorilmuro.
- La preĝejoj de Arcera, Barruelo, Malataja ktp.
- Ermitejo de Bustidoño.
Bildoj
[redakti | redakti fonton]-
Aldea de Ebro -
Sonorilmuro de Aldea de Ebro -
Preĝejo de Arcera. -
Sotillo.
