Valproata acido

Valproata acido
Plata kemia strukturo de la Valproata acido
Tridimensia kemia strukturo de la Valproata acido
Valproata acido troviĝas en la Valeriano.
Alternativa(j) nomo(j)
Propil-pentanata acido Propil-valerata acido Propilvalerato Konvulekso
Kemia formulo	C8H16O2
CAS-numero-kodo	99-66-1
ChemSpider kodo	3009
PubChem-kodo	3121
Merck Index	15,10099
Fizikaj proprecoj
Aspekto	blanka higroskopa likvaĵo
Molmaso	144.211 g·mol-1
Denseco	0.904g cm−3
Bolpunkto	222 °C
Refrakta indico	$n_{761}^{20}$ 1,4257
Ekflama temperaturo	111 °C
Acideco (pKa)	5.14
Solvebleco	Akvo:2 g/L
Mortiga dozo (LD50)	670 mg/kg (buŝe)
Sekurecaj Indikoj
Riskoj	R20/21/22 R36/37/38 R61
Sekureco	S3/7/9 S22 S36/37/39 S45
Pridanĝeraj indikoj
Danĝero Xn Noca por la sano Xi Irita
GHS etikedigo de kemiaĵoj
GHS Damaĝo-piktogramo
GHS Signalvorto	Averto
GHS Deklaroj pri damaĝoj	H302, H315, H319, H335
GHS Deklaroj pri antaŭgardoj	P261, P264, P270, P271, P280, P301+312, P302+352, P304+340, P305+351+338, P312, P321, P330, P332+313, P337+313, P362, P403+233, P405, P501
Escepte kiam indikitaj, datumoj estas prezentataj laŭ iliaj normaj kondiĉoj pri temperaturo kaj premo (25 °C kaj 100 kPa)

Valproata acido estas kemia komponaĵo, ankaŭ konata kiel propil-pentanata acido, uzata kiel anti-epilepsia medikamento kun anti-konvulsiaj, anti-deprimivaj, anti-anksiaj kaj humur-kontrolaj proprecoj. Valproata acido estas branĉohava mallongĉena grasacido derivita el la valerata acido.

Valproato estas salo derivita el la valproata acido kaj la plej grava estas la natria valproato. Valproatoj kaj ĝiaj derivaĵoj estas efikaj, solaj aŭ kombinitaj kun aliaj anti-konvulsiiloj, en la preventado de epilepsiatako kaj migrenaj krizoj.

Valproatoj ankaŭ efikas kontraŭ la akutaj fazoj de la dupolusa perturbo. La ago-mekanismoj ankoraŭ estas esplorataj de la scienculoj tamen oni kredas ke ĝi altigas la nivelojn de GABA en la cerbo aŭ ŝanĝante la proprecojn pri tensio-dependeco de la natriaj kanaloj.

Historio

Valproata acido estis unue priskribita kaj sintezita en 1883 de Beverly S. Burton, usona kuracisto kaj kemiisto kiu laboris en Eŭropo. Kiam li sintezis ĝin, li ne povis imagi al si ĝian estontan skuon en la terapeŭtika praktiko. Verdire, dum preskaŭ unu jarcento, valproata acido estis konsiderata farmakologie inerta kaj, pro tio ke ĝi estas likvaĵo, ĝi estis uzita kiel solvanto.

Nur en 1963, Pierre Eymard, studento el la Universitato de Liono, akcidente malkovris ĝiajn anti-konvulsiajn proprecojn. La valproata acido estas analogaĵo de la valerata acido, nature trovata en la Valeriano. En 1967, ĝia natria kombinaĵo estis komerce disponebla por kontrolo kaj traktado de epilepsiaj atakoj.

Literaturo

• Chemical Book
• Chemicalland21
• Alsa Chim
• Valproate, Wolfgang Löscher
• Antiepileptic Drugs, René H. Levy
• Drug Interactions in Infectious Diseases, Stephen C. Piscitelli, Keith A. Rodvold
• Advanced Therapy in Epilepsy, James W. Wheless, James Willmore, Roger A. Brumback

Kunrilataj kemiaĵoj

• 
  Lamotrigino
• 
  Feneturido
• 
  Fenacemido
• 
  Trimetaduketono
• 
  Mefenitoino
• 
  Etazepino

Vidu ankaŭ

• Barbiturato
• Karbamazepino
• Natria bromido
• Fjodor la 1-a Ivanoviĉ
• Halucino
• Hipokampo
• Valerata acido
• Mevalonata acido