Video (magazino)

Video
revuo
Formato	28 cm
Periodeco	1977-1979: ĉiutrimestre 1980-1999: ĉiumonate
Publikigisto	Reese Publishing Company, Inc.
Establodato	1977
Ĉesigita publikado	1999
ISSN	0147-8907
Adreso	235 Park Avenue South, New York, N.Y. 10003

Video estas malaperinta usona magazino pri elektroniko kaj teknologio, kiu estis publikigita de 1977 ĝis 1999 fare de Reese Communications. Ĝi ĉefe pritraktis la temojn de video- kaj aŭdaparatoj. La revuo prezentis novajn aŭdvidajn produktojn, analizis nunajn praktikojn kaj tendencojn en la kampo, kaj provizis kritikajn recenzojn de novaj produktoj kaj aparatoj. Dum ĝiaj fruaj jaroj, ĝi forte konkuris kun samtempaj gazetoj kiel Video Review kaj Video Buyer's Review — fine kulminante en 1980 okaze de proceso rilate al la uzo de la termino "Video Buyer's Guide". En marto 1995, Video estis akirita de Reese fare de Hachette Filipacchi, kaj en 1999 ĝi estis kunfandita kun la du-monata revuo Sound & Image por fariĝi Sound & Vision.

Hodiaŭ, Video estas plej rememorigita pro sia kolumno rilate al videoludoj, "Arcade Alley". Ĝi reprezentis la plej fruan ekzemplon de videoluda kolumno en pli ĝenerala publikigaĵo. Oni parte atribuas al Arcade Alley la popularigon de tiu nova medio en Usono. Ĝiaj du ĉefaj verkistoj sekve kreis la unuan videoludan revuon en Nordameriko, Electronic Games.