Washington Wizards

Washington Wizards
basketbala teamo
Komenco	1961 vd
Lando(j)	Usono vd
Sidejo	Vaŝingtono
Retejo	Oficiala retejo
	v • d • r

La klubo Washington Wizards - prononco laŭ sistemo IFA [wˈɒʃɪŋtən wˈɪzədz], esperantlingve Vaŝingtonaj Sorĉistoj - estas klubo de korbopilkado aŭ pli fake basketbalo en Vaŝingtono, kiu fondiĝis en 1961. La profesia unua vira teamo de la klubo konkuras en la ligo Nacia Korbopilkada Asocio (aŭ Nacia Basketbala Asocio), angle nomata National Basketball Association (laŭ sistemo IFA [nˈaʃənə͡l bˈaskɪtbɔːl ɐsə͡ʊsɪˈe͡ɪʃən], mallongige NBA, [ɛn biː ˈe͡ɪ]), la plej granda ligo en Nordameriko por profesia vira korbopilkado, komponita de 30 teamoj el Usono kaj Kanado - la NBA estas unu el la kvar ĉefaj sportligoj de Nordameriko, kiu ankaŭ inkluzivas la nacian glacihokean ligon NHL, la nacian usonfutbalan ligon NFL kaj la superan basbalan ligon MLB. La profesia unua vira teamo de la klubo estas parto de la Sudorienta Divizio de la Nacia Basketbala Asocio. Ĉeftrejnisto de tiu teamo ekde la 25-a de januaro 2024 estas Brian Keefe. Siajn hejmajn matĉojn la teamo ekde 1997 okazigas en la stadiono Capital One Arena.