Ĉedio, literumita ankaŭ kiel Chedi (en Sanskrito: चेदी) estis antikva hindiamahaĝanapada, nome regno kiu estis ĉe la divizio Bundelĥand de Madja-Pradeŝo sude de la rivero Ĝamuno laŭlonge de la rivero Ken. Ties ĉefurbo estis Suktimati en Sanskrito kaj Sotthivati-nagara en Palia lingvo.[1] En Pali-lingvaj Budhismaj tekstoj, ĝi estis listigita kiel unu el la dekses mahaĝanapadoj ("grandaj regnoj" de norda kaj centra Hindio).[2]
Laŭ Mahabarato, la Ĉedia Regno estis regata de Ŝiŝupala, aliancano de Ĝarasandha de Magado kaj de Durjodano de Kuruo. Li estis rivalo de Vasudeva Kriŝno kiu estis filo de lia onklo. Li estis mortigita de Kriŝna dum la Raĝasuja ofero la Pandava reĝo Judiŝtiro. La edzino de Bimo estis el Ĉedio. Elstaraj Ĉedianoj dum la Milito de Kurukŝetro estis Damaghoŝa, Ŝiŝupala, Dhriŝtaketu, Suketu, Sarabha, la edzino de Bimo, la edzino de Nakulo nome Karenumati, la filoj de Dhriŝtaketu. Aliaj Ĉedianoj estis la reĝo Upariĉara Vasu, liaj filoj, la reĝo Suvahu, la reĝo Sahaĝa. Ĝi estis regata dum fruaj periodoj de la Paŭravaj reĝoj kaj poste de la Ĝadavaj reĝoj en la centra parto de la lando.
