Dek ses grandaj regnoj
La dek ses grandaj regnoj (सोलहमहाजनपद Solaha-mahājanapada) estis regnoj kaj oligarkiaj respublikoj, kiuj ekzistis en antikva Barato el la –6-a al la –4-a jarcentoj. Du el ili estis verŝajne sendependaj respublikoj (gaṇarājya) kaj la cetero estis monarĥioj. Antikvaj budhismaj tekstoj kiaj la Grada Kolekto[1] faras oftajn referencojn al la dekses grandaj raĝlandoj kaj respublikoj, kiuj estis evoluintaj kaj florintaj en zono etenda el Gandaro nordokcidente al Ango oriente de la Hinda subkontinento kaj inkludis partojn de la regiono transvindja,[2] antaŭ la starigo de budhismo en antikva Barato.[3]
La –6-a kaj –5-a jarcentoj estis ofte konsiderata kiel grava turnopunkto en la komenco de la Barata historio—ĝi estis la komenciĝo de la unuaj grandaj urboj en Barato post la falo de la civilizacio de Induso, kaj la kresko de la ŝramanaj movadoj (inkluzive budhismon kaj ĝajnismon). Arĥeologie, tiu periodo respondas parte al la kulturo de nordaj nigraj poluritaj ceramikaĵoj.[4]
Laŭ la Grada Kolekto
[redakti | redakti fonton]
- Ango（अङ्ग Aṅga）
- Magado（मगध Magadha）
- Kaŝio（काशी Kāśī）
- Kosalo（कोसल Kosala）
- Vriĝio（वृजि Vṛji)
- Malao（मल्ल Malla）
- Vaco（वत्स Vatsa)
- Macjo（मत्स्य Matsya)
- Panĉalo（पञ्चाल Pañcāla）
- Ĉedio（चेदि Cedi）
- Kuruo（कुरु Kuru）
- Ŝuraseno（शूरसेन Śūrasena)
- Aŝmako（अश्मक Aśmaka）
- Avantio（अवन्ति Avanti）
- Gandaro（गन्धार Gandhāra）
- Kamboĝo（कम्बोज Kamboja）
Referencoj
[redakti | redakti fonton]- ↑ Anguttara Nikaya I. p 213; IV. pp 252, 256, 261.
- ↑ Singh, Upinder. (2008) A History of Ancient and Early Medieval India: From the Stone Age to the 12th Century. Delhio: Pearson Education, p. 260–4. ISBN 978-81-317-1120-0.
- ↑ 16 Mahajanapadas - Sixteen Mahajanapadas, 16 Maha Janapadas India, Maha Janapada Ancient India. Iloveindia.com. Konsultita en 2013-07-12.
- ↑ J.M. Kenoyer. (2006) R. Thapar: "Cultures and Societies of the Indus Tradition. In Historical Roots" en "the Making of ‘the Aryan’", p. 21–49.