Lütisburg

Lütisburg
	Blazono de Lütisburg
	Lütisburg, katolika preĝejo
komunumo en Svislando
Kantono	Sankt-Galo
Distrikto	Elektodistrikto Togenburgo
Koordinatoj	47° 24′ 0″ N 9° 5′ 0″ O / 47.40000 °N, 9.08333 °O (mapo)Koordinatoj: 47° 24′ 0″ N 9° 5′ 0″ O / 47.40000 °N, 9.08333 °O (mapo)
Nombro de loĝantoj	1361
Areo	14,09 km²
Alteco	580 m super marnivelo
Poŝtkodo	9604
Komunumkodo	3393
	Mapo de Lütisburg
	v • d • r

Por samtitola artikolo vidu la paĝon Lütisburg (stacidomo).

Lütisburg estas urba komunumo en la elektodistrikto Togenburgo, Kantono Sankt-Galo, Svislando. Ĝi havis 1362 loĝantojn je la 31-a de decembro 2007. La loĝantaro kreskis ĝis fino de 2009 al 1402. Lütisburgo do estas unu el la malmultaj togenburgaj komunumoj, kies loĝantaro dum la lastaj jaroj kreskis kaj ne malkreskis.

Geografio

Lütisburg situas inter la riveroj Necker kaj Turo, ĉe ties kunfluejo. Al la komunumo Lütisburg apartenas krom la ĉefvilaĝo Lütisburg mem la vilaĝetoj kaj setlejoj Altgonzenbach, Neugonzenbach, Grünhügel, Haslen, Mühlau, Oberwies, Unterrindal, Oberrindal, Altegg, Rimensberg, Herrensberg, Schauenberg kaj Dottenwil.

Najbaraj komunumoj

La komunumo Lütisburg limas en nordo al Jonschwil, en nordoriento al Oberuzwil, en oriento al Degersheim, en sudoriento al Neckertal, en sudo al Ganterschwil, en sudsudokcidento al Bütschwil, en sudokcidento al Mosnang, kaj en nordokcidento al Kirchberg.

Trafiko

Lütisburg situas ĉe la malnova Tur-ponto, kiu en mezepoko estis strategie grava ligilo inter Togenburgo kaj Sankt-Galo. Tra Lütisburg pasas la fervojlinio de la Svisaj Sudorientaj Fervojoj de Nesslaŭ, tra Wattwil al Wil SG, kiu per impona viadukto pasas la valon.

Historio

Unua skriba mencio de komunumparto de Lütisburg datiĝas el la jaro 849, kiam certa Lintwin plurajn bienojn en Unterrindal transskribis en dokumento al la Monaĥejo Sankt-Galo. La municipo Tufertschwil estis menciita la unuan fojon en la jaro 928. La nomo de Lütisburg mem aperis la unuan fojon en dokumento el la jaro 1214. En proceso la hompastro Werneherus de Liutinsburch agis kiel atestanto. La nomo probable devenas de la kastelo, kiun Liuto, ido de la grafoj de Togenburgo, konstruis rekte supre de la Tur-ponto.