Andiast

Andiast
	Blazono de Andiast
	Andiast
former municipality of Switzerland • vilaĝo
Kantono	Grizono
Distrikto	Surselva
Komunumaro	Ruis
Koordinatoj	46° 47′ 0″ N 9° 7′ 0″ O / 46.78333 °N, 9.11667 °O (mapo)Koordinatoj: 46° 47′ 0″ N 9° 7′ 0″ O / 46.78333 °N, 9.11667 °O (mapo)
Nombro de loĝantoj	228
Areo	13,63 km²
Alteco	1178 m super marnivelo
Poŝtkodo	7159
Komunumkodo	3611
	Mapo de Andiast
	v • d • r

Pri la komunumo

Andiast (en germana lingvo Andest) estas komunumo de la komunumaro Ruis kaj la distrikto Surselva en Kantono Grizono, Svislando. Ĝi havis 228 loĝantojn je la 31-a de decembro 2009.

Geografio

Andiast situas sur teraso teraso ĉe la norda flanko de la valo de Antaŭa Rejno. En nordo la komunuma teritorio etendiĝas ĝis al la kresto de la Glaursaj Alpoj, kie sur Hausstock situas sur alteco de 3158 m s.m. la plej alta punkto de la komunumo, ĉe la trilima punkto inter Andiast, Pigniu kaj Glaruso Sudo. Sudokcidente de Hausstock situas sur la komunuma teritorio la du glaĉeroj Gavriolas-Glaĉero kaj Fluaz-Glaĉero. Ĉe la orienta limo de la komunumo situas baraĵlago Lago de Pigniu. Al la komunumo krom la vilaĝo Andiast mem apartenas la setlejoj Curnengia, Ladinas, Cuolms d'Andiast, Ladral kaj la Alpopaŝtejoj Alp d'Andiast kaj Alp Dadens.

Najbaraj komunumoj

La komunumo Andiast limas en nordo al Glaruso Sudo (GL), en oriento al Pigniu, en sudoriento al Rueun, kaj en sudo kaj okcidento al Waltensburg/Vuorz.

Trafiko

Andiast situas komplete flanke de la gravaj trafikvojoj. Mallarĝa kaj kurba veturebla vojo ĝin konektas kun Waltensburg/Vuorz. Al la publika transportreto la komunumo estas konektita per poŝtaŭtolinio al Ilanz.

Lingvoj

Oficiala lingvo, kiun parolas la plimulto de la loĝantaro (laŭ la popolnombrado de 1990 89%), estas la romanĉa.

Historio

La unua dokumenta mencio de Andiast datiĝas el la jaro 765 kiel Andeste.^[1]

Ĝis 1526 Andiast apartenis al la paroĥo de Waltensburg/Vuorz. Kiam dum la reformacio Waltensburg/Vuorz alprenis la novan kredon, Andias restis katolika kaj fariĝis aparta paroĥo.

La 8-an kaj 9-an de oktobro 1799 rusaj trupoj sub la gvido de generalo Aleksandr Suvorov fuĝis de la armeo de Napoleono trans Paniksopasejo al Grizono kaj pasante tra Andiast rabis la vilaĝon. ^[2]