Andor Wellisch

Andor Wellisch
Persona informo
Naskonomo	Andor Wellisch
Naskiĝo	14-an de februaro 1887; en Budapeŝto
Morto	6-an de marto 1956 (69-jaraĝa); en Budapeŝto
Tombo	Tombejo Farkasrét, 43-1. sírbolt
Ŝtataneco	Hungario
Familio
Patro	Alfréd Wellisch
Okupo
Okupo	arkitekto
	v • d • r

Andor Wellisch [veliŝ], laŭ hungarlingve kutima nomordo kaj kun plena nomo Wellisch Andor István estis hungara arkitekto, altlerneja instruisto. Lia nobela antaŭnomo estis vágvecsei, lia familia nomo ŝanĝiĝis al Vecsey [veĉei] en 1946, lia patro estis Alfréd Wellisch.

Andor Wellisch^[1] naskiĝis la 14-an de februaro 1887 en Budapeŝto, li mortis la 6-an de marto 1956 en Budapeŝto.

Biografio

Andor Wellisch devenis el juda familio. La juna Andor jam frue lernis en ateliero de sia patro kaj li akiris arkitekturan diplomon en Reĝa Teknikuniversitato József en 1910. Inter 1910-1912 li laboris en Berlino kun en:Bruno Möhring kaj Oszkár Kaufmann. Hejmenveninta li transprenis atelieron de sia patro. Li ofte laboris en la ateliero kun Iván Vydarény. Li batalis dum la 1-a mondmilito en rango ĉefleŭtenanto. Li edziĝis en 1920, 2 filoj naskiĝis en 1921 kaj 1927. Iam li katolikiĝis.