Béla Jedlicska

Béla Jedlicska
Persona informo
Naskiĝo	13-an de aŭgusto 1860 (1860-08-13) en Martfű
Morto	18-an de aŭgusto 1936 (1936-08-18) (76-jaraĝa) en Szeged
Mortokialo	Laringa kancero
Ŝtataneco	Hungario
Alma mater	Universitato Eötvös Loránd - juroscienco (–1884)
Infanoj	3
Okupo
Okupo	juristo notario

Béla Jedlicska [jedliĉka], laŭ hungarlingve kutima nomordo Jedlicska Béla estis hungara notario, framasono.

Béla Jedlicska naskiĝis la 13-an de aŭgusto 1860 en Martfű (tiam ekstera parto de Tiszaföldvár), li mortis la 18-an de aŭgusto 1936 en Szeged.

Biografio

Béla Jedlicska maturiĝis en luterana gimnazio en Szarvas en 1878, poste li akiris juran diplomon en Reĝa Universitato de Budapeŝto en 1884, fine juĝistan-advokatan diplomon post kvar jaroj. Post siaj studoj li laboris en notaria oficejo en Budapeŝto, en 1889 en Szentes, inter 1890-1904 en Palánka, poste ĝismorte en Szeged. Li aliĝis al la framasonoj kaj en 1929 li ricevis la titolon kabineta ĉefkonsilisto. Li edziĝis en 1891, lia edzino naskis 3 filinojn en 1892, 1893 kaj 1906. En 1915 ili eksgedeziĝis sed en 1931 geedziĝo okazis kun la samaj rolantoj.

Fontoj

• hungarlingva biografio (la koncerna teksto estas legebla en la 258-a paĝo)
• hungarlingva biografio (la koncerna teksto estas legebla pli malsupre)