Barnstorming
| Barnstorming | |
|---|---|
|
| |
| Disvolvo | Activision |
| Eldoninto | Activision |
| Dato de lanĉo | Marto 1982 |
| Platformo | Atari 2600 |
| Ĝenro | Vetkura videoludo |
| Ludomaniero | unuludanta videoludo |
_(Cover).jpg)
Barnstorming estas vetkura videoludo desegnita de Steve Cartwright kaj eldonita de Activision por la videoludilo Atari 2600 en 1982. Ĝi estis la unua ludo desegnita de Cartwright. La ideo rilate al Barnstorming venis al li dum li iutage spektis biplanon survoje hejmen post laboro.[1]
Ludomaniero
[redakti | redakti fonton]
La ludanto devas kontroli biplanon tra serio de garbejoj kiel eble plej rapide, evitante ventomuelejojn, ventoflagojn kaj anserojn. Trafo kun iu ajn objekto malrapidigas la aviadilon dum kelkaj sekundoj, kio pliigas la ĝeneralan tempon.
Ekzistas kvar niveloj de malfacileco elekteblaj per ludselektosistemo. Ludo 1 estas Hedge Hopper (10 garbejoj), ludo 2 estas Crop Duster (15 garbejoj), ludo 3 estas Stunt Pilot (15 garbejoj), kaj ludo 4 estas Flying Ace (25 garbejoj). En la unuaj tri ludoj, la aranĝo de garbejoj, ventomuelejoj kaj eĉ anseroj ne ŝanĝiĝas, ebligante plifacile memori la aranĝon. Ludo 4 estas la sola moduso kun hazarda kurso.
Origine, ludantoj kun tempo malpli ol 33.3 sekundoj en ludo 1, 51.0 sekundoj en ludo 2 aŭ 54.0 sekundoj en ludo 3 povus sendi bildon de siaj ekranoj al Activision. Ili tiam ricevis membrecon en la klubo Activision Flying Aces[2] kaj specialan insignon.
Recenzo
[redakti | redakti fonton]Barnstorming estis publikigita en marto 1982.[3] Richard A. Edwards recenzis Barnstorming en The Space Gamer, komentante ke "ĉi tio estas ludo, kiun neniu Atari VCS-posedanto devus manki. Aĉetu ĝin."[4]
En plipostaj recenzoj, Scott Alan Marriott de AllGame rimarkis la impresajn grafikojn de la ludo sed ankaŭ, ke ĝi fariĝis enuiga post ripetaj ludsesioj, notante ke "ĉiuj niveloj estas strukturitaj laŭ la sama maniero [...] Post kiam vi plenumas vian celon, vi povas aŭ provi denove aŭ vidi kiel rapide la kartoĉo flugas sub seĝojn."[5]
Referencoj
[redakti | redakti fonton]- ↑ Classic Gaming Arkivigite je 2008-10-04 per la retarkivo Wayback Machine ĉe GameSpy
- ↑ Atari 2600 VCS Barnstorming : Scans, dump, download, screenshots, ads, videos, catalog, instructions, roms. Arkivita el la originalo je 2023-12-06. Alirita 2024-03-02 .
- ↑ Activision 1981.
- ↑ Edwards 1982, p. 28.
- ↑ Marriott.
Bibliografio
[redakti | redakti fonton]- (1981) Activision Video Game Cartridge Catalog. Activision. AG-940-08.
- "Dateline". Activisions. Vol. 2. Activision. 1982.
- (August 1982) “Capsule Reviews”, The Space Gamer (54), p. 28.
Eksteraj ligiloj
[redakti | redakti fonton]- angle Barnstorming ĉe MobyGames
- angle Barnstorming ĉe Atari Mania
- angle Barnstorming ĉe AtariAge