Brasido (Sparto)
| Βρασίδα (Σπάρτη) (493 a. K. - 422 a. K.) | |||||
|---|---|---|---|---|---|
 Brasido perdas sian ŝildon dum la batalo de Piloso.
| |||||
| Persona informo | |||||
| Βρασίδας | |||||
| Naskiĝo | 493 a. K. en Sparto, Grekio | ||||
| Morto | 422 a. K. en Amfipoliso, Grekio | ||||
| Lingvoj | antikva greka vd | ||||
| Ŝtataneco | Sparto  vd
| ||||
| Familio | |||||
| Patrino | Argileonis (en)  vd
| ||||
| Profesio | |||||
| Okupo | militisto vd
| ||||
| |||||
| |||||
| vd | Fonto: Vikidatumoj | ||||
Brasido (Sparto) estis sparta militisto kaj oficisto dum la unua jardeko de la Peloponeza milito. Lerta pri rapidaj decidoj kaj surprizatakoj, Brasido estis konsiderita milita geniulo, rekonita pro sia kuraĝo, saĝo, milita kompetenteco, diplomatia eltrovemo, malofta oratora kapablo kaj kapablo amikiĝi kien ajn li iris, estante komparita fare de Platono kun la homera heroo Aĥilo.
Brasido estis la filo de Télis kaj Argileonis. Komence de la Peloponeza Milito, li gajnis sian unuan armean laŭron pro sia elstara agado en la batalo en la haveno de Metono, en Mesenio, kontraŭ la atenanoj (431 a.K.). Li poste funkciis kiel konsilisto de la admiralo Knemo, karakterizante sin pro sia braveco en la Batalo de Pilos, dum kiu li estis grave vundita (429 a.K.).
La sekvan jaron, li entreprenis kampanjon en Trakio, komencante ekde Korinto, venkinte la atenanojn en Megara. Li ankaŭ funkciis kiel konsilisto al la potenculo Alkidas, en la Batalo de Corcira (427 a.K.). Li poste marŝis sur Tesalion, kie li konkeris gravajn urbojn kiel Akanto, Stagira, Amfipoliso kaj Toroni. Sed en la batalo sur la haveno de Ejon li suferis malsukceson kontraŭ la atenaj trupoj de Tucidido (kiuj poste verkus la faman rakonton pri la milito). Kvankam venkita, li rifuzis akcepti armisticon ofertitan al li, fortikigante sin en Scione, kiu nur kapitulacus al la atenanoj post du jaroj da sieĝo.
En 422 a.K., en la Batalo de Amfipoliso, Brasido gajnis signifan venkon super la atenanoj, kiuj perdis sian komandanton, Kleono. Tamen, li ankaŭ estis letale pafvundita dum la batalo. La morto de la du (ambaŭ estis kontraŭaj al iu speco de interkonsento kun la malamiko) malfermis la vojon por la Paco de Nikio, en 421 a.K.
Brasido ricevis la eksterordinaran honoron esti entombigita ene de la muroj de Amfipolis kaj lia tombo iĝis la loko de ĉiujara kultado en honoro de la heroo.[1]
Vidu ankaŭ
[redakti | redakti fonton]- Karl-Wilhelm Welwei (1930-2013) germana klasika filologo
- Benedikt Niese (1849-1910) germana klasika filologo
Referencoj
[redakti | redakti fonton]- ↑ Ĉi-artikolo estis tradukita el la portugala Vikipedia samnoma dokumento.