Brtníky

	Brtníky
	germane Zeidler
	vilaĝo
	Brtníky – ŝoseo direkte al Mikulášovice
	Oficiala nomo: Brtníky
Ŝtato	Ĉeĥio
Regiono	Regiono Ústí nad Labem
Distrikto	Distrikto Děčín
Administra municipo	Staré Křečany
Historiaj regionoj	Bohemio, Sudetio
Parto de	Ŝluknova terlango
Montaro	Ŝluknova montetaro
Domoj	186 2009
Situo	Brtníky
- koordinatoj	50° 56′ 52″ N 14° 26′ 27″ O / 50.94778 °N, 14.44083 °O (mapo)
Katastro	10,45 km² (1 045 ha) Brtníky
Loĝantaro	191 (2021)
Denseco	18,28 loĝ./km²
Unua skribmencio	1116
Horzono	MET (UTC+1)
- somera tempo	MET (UTC+2)
Poŝtkodo	407 60
	Situo enkadre de Ĉeĥio Situo enkadre de Ĉeĥio
	Vikimedia Komunejo: Brtníky
	Portalo pri Ĉeĥio

Koordinatoj: 50° 56′ 52″ N 14° 26′ 27″ O / 50.94778 °N, 14.44083 °O (mapo)

Brtníky (germane Zeidler) estas vilaĝo en Ĉeĥio, parto de municipo Staré Křečany, situanta en Ŝluknova terlango, 8 km okcidente de Rumburk en dislimejo de Luzacia montaro kaj PPR Elbaj grejsoj. Pro sia situo en rando de NP Bohemia Svislando ĝi plenumas rolon de ties norda enirpordego. Estas ĉi tie registritaj 186 adresoj. En la jaro 2021 ĉi tie daŭre vivis 191 loĝantoj.

Brtníky estas ankaŭ nomo de katastra teritorio kun areo 10,45 km².

Historio

La plej malnova skribmencio pri la vilaĝo devenas el la jaro 1116.

Elstaruloj

Ota Prouza, pentristo

Turismo kaj montogrimpado

Brtníky, situanta proks. 1,5 km de la norda limo de Nacia parko Bohemia Svislando, estas elirpunkto por kelkaj turismaj vojoj, destinitaj por biciklistoj kaj piedirantaj vizitantoj de tiu ĉi ampleksa protektata teritorio. Ekzemple laŭ blua marko kaj biciklovojo n-ro 3032 eblas ekceli al valo de rivereto Křinice kaj al ĉeĥa-germana ŝtatlimo en spacon de pereinta domaro Zadní Doubice. Verda marko, celanta al Doubice, en la plej proksima ĉirkaŭaĵo de Brtníky alkondukos la turistojn al Striga kaverno, rok-rependaĵo Granda prusia tendaro kaj al Burgeto Brtníky. Ruĝa marko, eventuale biciklovojo n-ro 3014 kondukas orienten ĝis Vlčí Hora.^[1]

En spaco sude de la vilaĝo Brtníky en valo de rojo Brtnický potok, Křinice kaj en Valo de Kyjov troviĝas multnombraj montogrimpistaj terenoj.

Rokturoj en tiu ĉi regiono estas disigitaj en valoj kaj ankaŭ sur montodorsoj kaj el pli granda parto ili estas kreitaj de molaj grejsoj. En nordorienta parto de tiu ĉi regiono troviĝas eĉ rokturoj el tre malmola kaj rezistema grejso (turoj Martinova věž (Turo de Marteno), Velký (Granda) kaj Malý Plačtivý kámen(Malgranda Plorema ŝtono)). Sume estas en la regiono de Valo de Kyjov kaj Brtníky registritaj 472 montogrimpistaj vojoj. Rilate al nestado de raraj specioj de birdaro estas en la lokoj en finaĵo de Valo de yjov kaj en valo de rojo Bílý potok malpermesita montogrimpista agado dum printempo, t.e. de marto ĝis junio.^[2]