Caspar Georg Carl Reinwardt
| Caspar Georg Carl Reinwardt | |||||
|---|---|---|---|---|---|
| |||||
| Persona informo | |||||
| Kaspar Georg Karl Reinwardt | |||||
| Naskiĝo | 3-an de junio 1773 en Lüttringhausen | ||||
| Morto | 6-an de marto 1854 (80-jaraĝa) en Leiden | ||||
| Lingvoj | germana vd | ||||
| Loĝloko | Nederlando vd | ||||
| Ŝtataneco | Reĝlando de Nederlando Duklando Berg  vd
| ||||
| Alma mater | Universitato de Amsterdamo Universitato de Harderwijk vd
| ||||
| Profesio | |||||
| Okupo | botanikisto herpetologist (en)  botanika kolektisto universitata instruisto kemiisto fizikisto zoologia kolektisto vd
| ||||
| Laborkampo | Plantoscienco, zoologio kaj fiziko vd
| ||||
| Doktoreca konsilisto | Gerardus Vrolik vd | ||||
| |||||
| |||||
| vd | Fonto: Vikidatumoj | ||||
Caspar Georg Carl REINWARDT (5a de Junio 1773 en Lüttringhausen, Remscheid – 6a de Marto 1854 en Leiden) estis prusi-naska nederlanda botanikisto. Li estas konsiderata fonda patro de la Bogor Botanika Ĝardeno en Indonezio.
Li estis profesoro de natura historio en la Universitato de Harderwijk el 1800 ĝis 1808. Poste li estis helpoprofesoro pri kemio kaj farmacio. En 1808 li plaĉis al la reĝo Louis Bonaparte kaj ricevis la postenon de direktoro de la "konstruotaj" botanikaj kaj zoologiaj ĝardenoj kaj muzeoj. En 1808 li iĝis membro de la Reĝa Nederlanda Akademio de Artoj kaj Sciencoj.[1] Poste li estis profesoro de natura historio en Amsterdamo. En 1816 li ricevis altajn postenojn en la Nederlanda Hindio kie li estris variajn botanikajn esplorojn tra la indonezia arkipelago. Reinwardt estis la fondinto (1817) kaj unua direktoro de la botanikaj ĝardenoj de Bogor (tiam nomita Buitenzorg) en la insulo Javo.[2]
Li revenis al Nederlando en 1822 kaj iĝis profesoro de natura historio en la Universitato de Leiden en 1823, kie li dediĉis sian vivon al kemio, botaniko kaj mineralogio.[3]
Reinwardt ankaŭ studis amfibiojn kaj reptiliojn, priskribante du novajn speciojn de serpentoj, Laticauda semifasciata kaj Xenopeltis unicolor.[4]
En 1831 Reinwardt publikigis katalogon de plantoj de la Leiden Hortus. Li kalkulis precize 5 600 speciojn kaj variaĵojn, pliigo de preskaŭ 600 ekde 1822.
Samnomaj taksonoj
[redakti | redakti fonton]
Kelkaj el la taksonoj (kaj botanikaj kaj zoologiaj) kiuj honoris lin estas listitaj sube:[3][5]
- Reinwardtia, genro de plantoj de la familio Linaceae.
- Reinwardtoena, genro de birdoj de la familio Columbidae.
- Rajnvarta kukolkolombo, Reinwardtoena reinwardtii, specio de birdoj de la familio Columbidae. Ĝi estas endemia de Indonezio.
- Java trogono, Apalharpactes reinwardtii, specio de birdoj de la familio Trogonidae.
- Rhacophorus reinwardtii, fluganta rano el Indonezio.
- Turdoides reinwardtii, el Timaliedoj.
- Oranĝpieda nestamasulo, Megapodius reinwardtii, megapodo.
- Farancia abacura reinwardti, okcidenta kotoserpento el Usono.
Notoj
[redakti | redakti fonton]- ↑ "Caspar Georg Carel Reinwardt (1773 - 1854)". Reĝa Nederlanda Akademio de Artoj kaj Sciencoj. Alirita la 7an de Februaro 2021.
- ↑ ADB: Reinwardt, Kaspar George Karl @ Allgemeine Deutsche Biographie
- ↑ 3,0 3,1 BHL Taxonomic literature: a selective guide to botanical publications Alirita la 7an de Februaro 2021.
- ↑ "Reinwardt". The Reptile Database. www.reptile-database.org.
- ↑ JSTOR Global Plants Reinwardt, Caspar George Carl (1773-1854)