Cetviny

	Cetviny
	germane Zettwing
	pereinta vilaĝo
	Preĝejo de Naskiĝo de Virgulino Maria
	Oficiala nomo: Cetviny
Ŝtato	Ĉeĥio
Regiono	Sudbohemia regiono
Distrikto	Distrikto Český Krumlov
Administra municipo	Dolní Dvořiště
Historia regiono	Bohemio
Parto de	NP Novohrada montaro
Montaro	Novohrada cismontaro
Rivero	Malše
Situo	Cetviny
- alteco	648 m s. m.
- koordinatoj	48° 36′ 53″ N 14° 32′ 59″ O / 48.61472 °N, 14.54972 °O (mapo)
Loĝantaro	1 (2021)
Fondo	13-a jarcento
Horzono	MET (UTC+1)
- somera tempo	MET (UTC+2)
	Situo enkadre de Ĉeĥio Situo enkadre de Ĉeĥio
	Vikimedia Komunejo: Cetviny
	Portalo pri Ĉeĥio

Koordinatoj: 48° 36′ 53″ N 14° 32′ 59″ O / 48.61472 °N, 14.54972 °O (mapo)

Cetviny (germane Zettwing) estas vilaĝo en Ĉeĥio, loka parto de municipo Dolní Dvořiště en distrikto Český Krumlov. Ĝi situas sur la dekstra bordo de rivero Malše sur limo de Ĉeĥio kaj Aŭstrio. Estas ĉi tie rekonstruita preĝejo de Naskiĝo de Virgulino Maria de gotika deveno.

La katastra teritorio Cetviny estas konsisto de municipo Dolní Dvořiště. Troviĝas en ĝi naturmemorindaĵo kaj eŭrope signifa loko Horní Malše.

Historio

Cetviny estis en la 13-a jarcento fondita de germanaj domaristoj, kiuj ĉi tien venis enkadre de granda mezepoka koloniigo, subtenata en Bohemio precipe de ĉeĥa kaj aŭstra reganto Přemysl Otakar la 2-a. Romkatolika paroĥo Cetviny estis destinita en la 14-a jarcento. La gotika preĝejo de Naskiĝo de Virgulino Maria staris jam en la jaro 1347. Ekde la jaro 1418 la foira domaro, situanta sur komerca vojo, privilegiojn, kiuj estis donataj al kampurboj, kaj ĝi ricevis blazonon (ruĝan kvinfolian rozon en arĝenta kampo) kaj rajton okazigi foirojn. Cetviny estis viva kampurbo ĝis la jaro 1938, kiam ĝi havis prosimume 650 loĝantojn, estis ĉi tie bierfarejo kj fabriketo por produktado de falĉiloj (40 mil pecoj/jaro), ĉiujare ĉi tie okazis 5 foiroj. En la jaro 1921 vivis en ĝi 520 loĝanrtoj en 102 domoj. Sekve de fermo de Munkena interkonsento la teritorio de municipo estis en la jaroj 1938 ĝis 1945 almembrigita al Nazia Germanio. Post la jaro 1945 la plejparte germana loĝantaro estis ellloĝigita. Ekde la jaro 1951 Cetviny fariĝis konsisto de nealirebla limzono aj en la jaro 1956 la tuta urbeto fakte (cca 120 domoj) estis detruita, escepte la preĝejo, lernejo kaj doganejo. Detruitaj esis ankaŭ proksimaj vilaĝoj Mikulov, Janova Ves, Lhota kaj Dolní kaj Horní Příbraní. Apud la preĝejo estis konstruita kazerno de Limgardistaro.^[1]

Ekde la jaro 1990 la limzono estis alirebligita inkluzive de spaco de Cetviny. Je kvin jaroj pli poste inicis Diocezo de České Budějovice rekonstruon de kadukiĝinta preĝejo de Naskiĝo de Virgulino Maria, kiu estis realigita precipe kun financa helpo de de la devenaj loĝantojkaj pluaj institucioj inkluzive de asociiĝo estiĝinta en la jaro 2001. Malfacilaj riparoj estis finitaj en la jaro 2003 kaj la 6-an de septembro la preĝejo estis denove konsekrita.

Loĝantaro

Evoluo de nombro de loĝantoj kaj domoj
	1869	1880	1890	1900	1910	1921	1930	1950	1961	1970	1980	1991	2001	2011
Loĝantoj	589	550	537	499	547	520	455	97	.	.	.	.	.	.
Domoj	105	103	101	101	102	102	101	16	.	.	.	.	.	1

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
2021	1

Memorindaĵoj

gotika preĝejo de Naskiĝo de Virgulino Maria
kvarangula fontano
Kapelo el la jaro 1827 norde de Cetviny
Lurda kapelo el la jaro 1892
ŝtonaj terasoj laŭlonge laŭ vojo al Malonty

Turismo

Sur turismaj vojoj Cetviny–Hammern kaj Cetviny–Mairspindt estas limpasejoj. Tra Cetviny kondukas biciklovojo de reto Eurovelo numero EV 13 kun nomo Pado de fera kurteno.