Commodore User
| Commodore User | |
| |
| revuo | |
|---|---|
| Periodeco | Ĉiumonata |
|
| |
| Lando |  Britio
|
| Establodato | 1983 |
| Ĉesigita publikado | 1990 |
| ISSN | 0265-721X |
|
| |
| Retejo | |
Commodore User, (ankaŭ nomata CU), poste renomita al CU Amiga, estas serio de usonaj kaj britaj magazinoj publikigitaj de Commodore International.
Historio
[redakti | redakti fonton]Commodore User estis lanĉita en oktobro 1983[1] kun komenca antaŭprezenta numero en junio 1983.[2] Komence la magazino enhavis detalajn informojn pri la komputiloj de tiu tempo, kiel ekzemple programadaj lerniloj, artikoloj pri maŝinlingvo kaj recenzoj de komerca programaro. La unuaj numeroj estis produktitaj kaj kunskribitaj de la redaktoro Dennis Jarrett, verkisto kaj estonta redaktoro Bohdan Buciak, kaj redakta asistanto Nicky Chapman.[3] Artikoloj estis cetere verkitaj de diversaj kontribuantoj, kaj la averaĝa grandeco de ĉiu numero rapide kreskis de 64 al 96 paĝoj.[4]
La unuaj 12 numeroj de Commodore User estis publikigitaj de Paradox Group ĝis oktobro 1984. Pliposte publikigo estis transdonita al Emap, ĝis la fina numero en februaro 1990.[5] Recenzoj de videoludoj ekaperis jam en la dua numero.[6] Tio konsistis el malgranda sekcio nomata Screen Scene ekde la tria numero.[7] En 1985, la Commodore 64 fariĝis pli populara.[8] La kvanto de teknika enhavo malpliiĝis dum la priraportado de ludoj pliiĝis. La cirkulado de la magazino kreskis, kaj CU produktis pli da koloro tra la tuta revuo. Dum la apogeo de la sukceso de la C64, CU kutime havis pli ol 11 paĝoj.[9]
En 1986, CU komencis pritrakti la novan 16-bitan komputilon Amiga.[4] La revuo tiam raportis pri ĉiuj Commodore-platformoj, de la C16 ĝis Amiga. Cirkulado ankaŭ atingis rekordon de pli ol 70,000 monataj unuoj dum 1988.[10]
Por montri la inkluzivon de la Amiga-platformo, la magazino ŝanĝis sian titolon al "CU Commodore User Amiga-64" en la februara numero de 1989.[10] La parto Commodore User rapide estis forigita, kaj la nomo fariĝis CU Amiga-64.[11] Ĉi tiu periodo de la magazino estis transira tempo inter C64 kaj Amiga.
CU Amiga
[redakti | redakti fonton]En 1990, CU Amiga-64 forigis la "64" el sia nomo kaj relanĉis ĝin kiel CU Amiga kun la numero de marto 1990.[12]
Fine de 1994, la populareco de Amiga estis malkreskanta. CU Amiga havis finan nomŝanĝon por helpi distingi sin de aliaj konkurencaj revuoj en ĉiam pli malgranda merkato. Ĝi fariĝis CU Amiga Magazine.[13] En siaj restantaj jaroj sub la kontrolo de redaktoro Tony Horgan, la revuo fariĝis tre teknika. Iuj personoj el la redakcio de la frata revuo The One estis translokitaj al CU kiam la antaŭa malaperis en julio 1995, kaj tie provizis recenzojn de ludoj por la legantoj de CU. "THE ONE AMIGA, kiun vi konis kaj amis, ne estas morta, sed ĝi iom ŝanĝiĝis. La antaŭaj verkistoj kaj eldonistoj moviĝis al pli bonaj aferoj, kaj la magazino nun estas tute en novaj manoj, ĉe Maverick Magazines. Do ni ŝatas bonvenigi ĉiujn originajn legantojn de The One al la nova Maverick-eldono, kaj indiki al ili la novan adreson."[14]
La fina numero estis publikigita en oktobro 1998. La fermo de CU Amiga Magazine signifis, ke la sola restantaj monata Amiga-revuoj estis ĝia plej proksima rivalo, Amiga Format.
Jaron post la fermo de CU en oktobro 1999, la revuo Amiga Active estis lanĉita. Ĝi havis kelkajn el la samaj personoj kaj estis konkurenco por Amiga Format, kiun ĝi fine supervivis, ĝis novembro 2001.
Referencoj
[redakti | redakti fonton]- ↑ "Commodore User #1". Commodore User. Vol. 1, no. 1. October 1983.
- ↑ "Commodore User #0". Commodore User. June 1983.
- ↑ View a Scan (Commodore User page 003 from issue 001).
- ↑ 4,0 4,1 Commodore User: 1983 - 1989. Arkivita el la originalo je 8 May 2020.
- ↑ "Commodore User #12". Commodore User. Vol. 1, no. 12. September 1984., "Commodore User #13". Commodore User. Vol. 2, no. 1. October 1984.
- ↑ Commodore User Magazine Issue 02 (November 1983).
- ↑ Commodore User Magazine Issue 03 (December 1983).
- ↑ Commodore User.
- ↑ Commodore User Issue 27 December 1985 | Retro 8-Bit Computers. Alirita 2023-08-25.
- ↑ 10,0 10,1 Commodore_User_Issue_65_1989_Feb.
- ↑ Commodore_User_Issue_70_1989_Jul.
- ↑ CU Amiga (March 1990) - Amiga Magazine Rack. Alirita 2023-08-25.
- ↑ CU Amiga (October 1990) - Amiga Magazine Rack. Alirita 2023-08-25.
- ↑ "Introduction". TheOne Magazine. No. 82. August 1995. Retrieved 2023-08-29 – via Archive.org.