David (Panamo)

David
urbo ; corregimiento of Panama (en) ; urbego vd
Administrado
Demografio
Loĝantaro	82 907 (2010) [+]
Loĝdenso	471 loĝ./km²
Geografio
Geografia situo	8° 26′ N, 82° 25′ U (mapo)8.4381805555556-82.424263888889Koordinatoj: 8° 26′ N, 82° 25′ U (mapo) [+]
Alto	6 m [+]
Areo	176 km² (17 600 ha) [+]
	David (Ĉirikio)
	Situo de David
	David (Panamo)
	Situo de David
Alia projekto
	Vikimedia Komunejo David, Panama [+]
	v • d • r

Ĉi tiu artikolo temas pri urbo en Centra Ameriko. Koncerne aliajn signifojn aliru la apartigilon Davido (apartigilo).

David (oficiala nomo hispane San José de David) estas la ĉefurbo de la provinco Ĉirikio, situanta en okcidenta Panamo.

Laŭ la stato de 2010 en la urbo vivis 82 907 loĝantoj sur areo de 176 kvadrataj kilometroj, kio rezultigas loĝdenson de 471 loĝantoj/km². Tiel ĝi estas la tria plej granda urbo de Panamo, post Panamurbo kaj San Miguelito (ne inkluzivante la distrikto Arraijan) ^[1].

La Tut-Amerika Ŝoseo kuras nordokcidenten de la urbo, per kiu ĝi estas ligita al la cetero de la lando kaj la flughaveno Enrique Malek.

Priskribo

La urbo estis fondita en 1602 fare de Francisco da Gama, la konsilisto de la guberniestro de la regiono en la Vicreĝlando Nova Hispanio, Juan López Sequeira proksime de indiana setlejo, estis intencita por kaj pacigi la lokanoj kaj serĉi oron. En 1609 6 900 loĝantoj vivis tie. En 1900, la unua batalo de la Miltaga Milito okazis en la urbo, inter la liberaluloj kaj la konservativuloj en la lando (la tiama Respubliko de Kolombio).

Ekde 1955 la urbo estas la sidejo de la romkatolika diocezo de David. La Preĝejo de San José, konstruita ĉe la fino de la 19-a jarcento, estis levita al la statuso de katedralo.

Kun temperaturoj kutime super 30 celsiusgradoj, ĝi estas konsiderita la plej varma urbo en la lando; La tropika pluvo (ĉ. 2500 mm/jaro) falas ĉefe en la pluvsezono de majo ĝis decembro.

David situas sur la marborda ebenaĵo en la centra parto de provinco Ĉirikio inter la Pacifika marbordo kaj la Montaro Kordilera. La samnoma rivero David fluas tra la urbo. Norde de la urbo, 40 km, troviĝas la neaktiva vulkano Baruo, kiu ankaŭ estas la plej alta monto en Panamo. En la orienta parto de la Golfo Chiriqui de la Pacifika Oceano estas la insulo Koiba, sur kiu situas la Nacia Mara Parko (en). La limo kun Kostariko situas 30 km okcidente de la urbo. De la ĉefurbo de Panamo ĝis David estas 434 km.

Nur kelkaj hoteloj, bankoj, kazinoj kaj loĝkonstruaĵoj atingas altecon de du ĝis kvin etaĝoj. La plej prestiĝaj areoj situas en la nordaj kaj nordokcidentaj flankoj de la urbo. La komerca centro de la urbo ankaŭ troviĝas tie. Ĉar la provinco Ĉirikio daŭre akiras popularecon inter turistoj, la turisma infrastrukturo de la urbo daŭre formiĝas

David estas dividita en la sekvajn municipojn