Duonreta pluvio
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Charadrius semipalmatus | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Duonreta pluvio (Charadrius semipalmatus) estas eta kaj vigla pluvio, tio estas vadbirdo de la familio de ĥaradriedoj kaj genro Charadrius kiu enhavas multajn aliajn speciojn.
Plenkreskuloj havas grizbrunajn dorson kaj flugilojn, blankajn ventron kaj bruston kun nigra kolstrio. Ili havas brunan kapon, blankan frunton kaj nigran okulmaskon kiu ĉirkaŭas tiun. Ankaŭ la gorĝo estas blanka kaj sekvas per ringostrio super la nigra. La beko estas dika, mallonga, oranĝa ĉebaze kaj nigra ĉepinte. La kruroj estas ruĝoranĝaj.
Ties reprodukta medio estas malfermaj ebenaĵoj kaj strandoj en norda Kanado kaj Alasko. Ili faras neston surgrunde en malferma senplanta areo.
Ili estas migrantaj birdoj kiuj vintras en marbordo el suda Usono ĝis Patagonio. Ili estas tre raraj vagantoj ĝis okcidenta Eŭropo, sed tiu aspekto estas malfacile klarigebla ĉar estas malfacile diferencigi ilin disde la tre simila Granda pluvio de Eŭrazio. Tiu ĉi birdo similas ankaŭ kun la Kripluvio sed ĝi estas multe pli malgranda (17 cm longaj) kaj havas nur unu strion. La vorto "duonreta" kiu estas ankaŭ en la scienca nomo rilatas al siaj parte retecaj piedoj.
Tiuj birdoj manĝas en strandoj, tajdaj ebenaĵoj, kotejoj kaj kamparo, kutime per rigardo kaj tekniko de kurado plus halto. Ili manĝas insektojn, krustulojn kaj vermojn. Dum altaj tajdoj ariĝas samspecie kaj kun aliaj vadbirdoj.
Referencoj
[redakti | redakti fonton]- BirdLife International (2004). Charadrius semipalmatus. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11a de Majo 2006.
| ||||||||||||||||||