Ĥaradrio

Kiel legi la taksonomion Ĥaradrio
Kripluvio
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Ĥaradrioformaj Charadriiformes Familio: Ĥaradriedoj Charadriidae Subfamilio: Charadriinae Genro: Charadrius Linnaeus, 1758
specioj
vidu tekston
Sinonimoj
Aegialites / Aegialitis
Aliaj Vikimediaj projektoj

Charadrinus alexandrinus

Ĥaradrio aŭ Charadrius estas genro de birdoj de la familio de Ĥaradriedoj kaj ordo de Ĥaradrioformaj. Estas klare, ke tiu genro nomigas kaj la familion kaj la ordon; tio estas, temas pri la plej tipa genro kaj de la ordo kaj de la familio. Tiuj birdoj havas unu aŭ pliajn malhelajn aŭ nigrajn striojn ĉe la brusto. Ili havas ankaŭ rimarkindajn blankajn kaj nigrajn markojn ĉe la vizaĝo.

Ili loĝas en diversaj medioj ĉu internaj lagoj, ĉu koralaj aŭ sablaj strandoj, rokaj areoj, kotaj ebenaĵoj, tajdaj regionoj, marĉoj kaj aliaj humidejoj, ankaŭ terkulturejoj kaj eĉ golfejoj. Pro tio la termino ĥaradrio originas de la antikva greka lingvo ĥaradrios, pri birdo trovita en rivervaloj (el ĥaradra, "ravino").

Specioj

La genro origine enhavis 33 speciojn. Tamen, en Decembro 2023, la International Ornithologists' Union metis ĉiujn speciojn sub Thinornis kaj Elseyornis en Charadrius, kaj kelkaj specioj de Charadrius estas nun metitaj en la genron Anarhynchus. Kiel rezulto Charadrius nun konsistas nur de 11 specioj:

• Kripluvio, Charadrius vociferus Linnaeus, 1758
• Kolumpluvio aŭ Granda pluvio, Charadrius hiaticula Linnaeus, 1758
• Duonreta pluvio, Charadrius semipalmatus Bonaparte, 1825
• Fajfopluvio Charadrius melodus Ord, 1824
• Nigrakapa pluvio Charadrius cucullatus Vieillot, 1818
• Forbesa pluvio Charadrius forbesi (Shelley, 1883)
• Tribenda pluvio Charadrius tricollaris Vieillot, 1818
• Nigrorela pluvio Charadrius melanops Vieillot, 1818
• Strandopluvio Charadrius novaeseelandiae Gmelin, JF, 1789
• Malgranda pluvio Charadrius dubius Scopoli, 1786
• Orientazia pluvio Charadrius placidus Gray, JE & Gray, GR, 1863