Esterházy

**Esterházy**
Esterházy
Dinastio
	Blazono
dinastio • familio
Devena nomo	hungare Eszterházy
Religio	Katolikismo, ekde 1601
vd	Fonto: Vikidatumoj
	v • d • r

Esterházy (hungare kutime Eszterházy) estas nomo de malnova, grava hungara altnobelara familio.

De etnobelo al altnobelo

Barono Nikolao Esterházy estis elstara, ĉar li sukcesis, per strategia kaj diplomata agado fari la hungaran etnobelan familion gvida altnobela familio. La konvertado al katolikismo kaj nepra fideleco al imperiestro de la Sankta Romia Imperio metis la fundamenton por la legenda kaj fabela supreniĝo de la familio kaj la leviĝo en la graforango.

Por la imperiestro la engaĝiĝo de la familio Esterházy estis grava milita bastiono kontraŭ la turkoj en Hungario kaj tuta Mezeŭropo. En la jaro 1687 imperiestro Leopoldo la 1-a levis grafon Paŭlo la 1-an de Esterházy en la princorangon.

Princa linio de la familio Esterházy

Barono, poste grafo Miklós Esterházy (palatino) (1583–1645)
Grafo Ladislaus Esterházy (1626–1652)
Grafo, poste princo Pál Esterházy (palatino) (1635-1713)
Grafo Antal Esterházy (1676-1722)
Grafo Ferenc Esterházy (1715-1785)
Grafo Károly Eszterházy (1725-1799)
Grafo Imre Esterházy (1633-1745)
Grafo Imre Gábor Esterházy (1689-1763)
Grafo Johano Esterházy (1901-1957)
Grafo József Esterházy (reĝa juĝisto) (1682-1748)
Princo Mihály Esterházy (ĉambelano) (1671-1721)
Princo Joseph Esterházy (1688-1721)
Princo Paul la 2-a Anton Esterházy (1711-1762)
Princo Miklós József Esterházy (1714-1790)
Princo Anton (la 1-a) Esterházy (1738-1794)
Princo Miklós Esterházy (oficiro) (1765-1833)
Princo Paul la 3-a Anton Esterházy (1786-1866)
Princo Nikolaus la 3-a Esterházy (1817-1894)
Princo Paul la 1-a Esterházy (1843-1898)
Princo Nikolaus la 1-a Esterházy (1869-1920)
Princo Pál Esterházy (1901-1989)
Princo Anton la 2-a Esterházy (1936)
Hereda princo Paul-Anton Esterházy (1986)

Ceteraĵoj

Familio Esterházy estis konata pro sia kultura engaĝiĝo, ĉefe ĉar la princoj Paul la 2-a Anton kaj precipe Nikolaus la 1-a en la jaroj 1761 ĝis 1790 dungis Joseph Haydn je sia kortego. Komisiite de la princoj Haydn, fondinto de la klasikismo, kreis en pli ol 30 jaroj siajn plej gravajn verkojn. La talenton de Franz Liszt, kies patro administris la bienegojn de Esterházy, la familio malkovris kaj propagandis. Franz Schubert instruis pianoludadon al la junaj grafinoj Caroline kaj Marie.

Sennombraj arkitektoj, konstruistoj kaj aliaj artistoj servis por la familio, kiu eluzis ties diligentojn kaj talentojn por la pompo-disvolviĝo kaj tutmonde renomigis ilin. Tiel ekestis multe pli ol 60 kasteloj, pli ol 110 preĝejoj, kelkaj lernejoj kaj pensiulejoj, distribuita sur ĉiuj ŝtatoj de la iama imperiestra-reĝa monarkio.