Hüttikon

Hüttikon
	Blazono de Hüttikon
	Komunuma domo de Hüttikon
komunumo en Svislando
Kantono	Zuriko
Distrikto	Dielsdorf
Koordinatoj	47° 26′ 46″ N 8° 23′ 14″ O / 47.44611 °N, 8.38722 °O (mapo)Koordinatoj: 47° 26′ 46″ N 8° 23′ 14″ O / 47.44611 °N, 8.38722 °O (mapo)
Nombro de loĝantoj	627
Areo	1,62 km²
Alteco	433 m super marnivelo
Poŝtkodo	8115
Komunumkodo	0087
	Mapo de Hüttikon
	v • d • r

Hüttikon estas komunumo en la distrikto Dielsdorf, Kantono Zuriko, Svislando. Ĝi havis 627 loĝantojn je la 31-a de decembro 2007.

Geografio

Hüttikon situas en la Furtvalo ĉe la monto Altberg en okcidento kaj la montoĉeno Lägern en sudo. Hüttikon estas la komunumo kun la plej malgranda teritorio de la tuta kantono. Krom la kerna vilaĝo Hüttikon al la komunumo apartenas ankaŭ la vilaĝeto Hüttikerberg.

Najbaraj komunumoj

La komunumoj Hüttikon limas al Würenlos en Kantono Argovio, kaj en Kantono Zuriko Otelfingen, Dänikon kaj en la Limatvalo la komunumo Oetwil ĉe Limato.

Trafiko

Per busoj Hüttikon estas konektita al la reto de la Zurika Trafik-Unio. Plej proksima stacidomo troviĝas en Otelfingen. Ankaŭ la norda ĉirkaŭiro de Zuriko (aŭtoŝoseoj A4 kaj A1) estas falice atingebla.

Historio

Unua skriba mencio de Hüttikon datiĝas de la 3-a de februaro 883 kiel Huttinchova. Per tiu-ĉi dokumente iu Adalbert interŝanĝis siajn havaĵojn en Hüttikon kun la Virina Abatejo en Zuriko kontraŭ tiaj en Borsikon, vilaĝo hodiaŭ ne plu ekzistanta ĉe la Lago de Türlen. En mezepoko Hüttikon apartenis al la Habsburgoj. Kiam en la jaro 1415 la Svisa Ĵurkomunumo konkeris Argovion, Hüttikon fariĝis parto de la komuna havaĵo de la membroj de la Ĵurkomunumo kaj estis atribuita al la kamparvoktejo Baden. Dum la tempo de la Helveta Respubliko ĝi apartenis al la tiama Kantono Baden. En la jaro 1803 Hüttikon estis atribuita al Kantono Zuriko. ^[1]