Hayedeh

Hayedeh
Persona informo
Aliaj nomoj	هایده
Naskiĝo	10-an de aprilo 1942 (1942-04-10) en Teherano
Morto	20-an de januaro 1990 (1990-01-20) (47-jaraĝa) en San-Francisko
Mortokialo	Korinfarkto
Tombo	Westwood Village Memorial Park Cemetery (en)
Ŝtataneco	Irano
Familio
Frat(in)o	Mahasti (en)
Okupo
Okupo	kantisto muzikisto diskografa artisto
TTT
Retejo	http://www.hayedehdocumentary.com

Masoumeh Dadebala (n. la 10-an de aprilo 1942 en Teherano - m. la 20-an de januaro 1990 en San Francisco), konata ĉefe per ŝia plumnomo Hayedeh (ankaŭ Haydeh kaj Haideh, perse سخن از هایده / Sokhan az Hayedeh) estis ikona persa kantistino de klasikaj kantoj kaj pop-kantoj.

Ŝi komencis sian profesian karieron en 1968. Ŝiaj plej famaj kantoj estas: Azadeh (Senpaga), Gole Sang (Ŝtona Floro), Zendegi (Vivo), Shanehayat (Viaj ŝultroj) kaj Rouzaye Roshan (Brilaj tagoj) (Padeshahe Khooban) (bonaj reĝoj).

La plej multaj kantoj de Hayedeh estis komponitaj de Ali Tajvidi, Farid Zoland, Anooshirvan Rouhani, Mohammad Heydari kaj Andranik .

Elmigrado

Ekde la revolucio de 1979, kiu rezultigis fundamentisman religian reĝimon en Persujo, estas malpermesite al virinoj kanti publike. Ĉiuj persaj kantistoj estis devigitaj rezigni pri siaj kantaj karieroj. Se ili ne konsentis pri tio, ili estis devigitaj fari tion eksterlande. Hayedeh estis unu el la kantistoj, kiuj tiutempe fuĝis de Irano.

Hayedeh donis du koncertojn en la Royal Albert Hall de Londono en 1986 kaj 1987.

Diskaro

• Azadeh (1968)
• Raftam (1969)
• Haghnashenasi (1970)
• Dashtestani (1971)
• Vazo Del Bala Shodi (1972)
• Ae Beri Nefrin Mikonam (1973)
• Razi Masho (1974)
• Novruzo (1977)
• Eshareh, kun Sattar kaj Homeyra (1983)
• Shanehayat (1986)
• Sogand (1988)
• Ey Zendegi Salam (1989)

Dokumenta filmo Hayedeh, la ikona irana kantistino.

Dokumenta filmo

Dudek jarojn post ŝia morto en ekzilo, la persa muzikisto kaj ĵurnalisto Pejman Akbarzadeh, kiu loĝas en Nederlando, faris kontestitan dokumentan filmon Hayedeh: Legendary Persian Diva, memore al ŝi. La dokumenta filmo estis montrita unuafoje en 2009 en Amsterdamo i.a. dum la irana filmfestivalo, en Svedio dum la internacia ekzila festivalo kaj ankaŭ en Germanio kaj Usono dum la filmfestivalo Noor en Los-Anĝeles. The Holland Times nomis la filmon "bonega scio pri la muzika konsisto de Persio". La filmo estas en la persa kun subtekstoj en la angla.

Vidu ankaŭ

• Naser Ĉeŝmazar, komponisto
• Irana muziko

Eksteraj ligiloj

• (nl) De verboden Perzische stem herdacht in Nederland Arkivigite je 2016-03-04 per la retarkivo Wayback Machine (Rememoro en Nederlando de la malpermesita persa voĉo)
• (en) Persian diva immortalised in film (The Holland Times)
• (en, fa) Oficiala retejo de la dokumenta filmo