Hereroj

Hereroj
pastoral people
Ŝtatoj kun signifa populacio

mapo pri la etnoj de Angolo, la vivregiono de la hereroj (laŭ stato de la jaro 1970) estas markita oranĝbrune en la sudokcidento de Angolo, lime de Namibio (sude)

Hereroj estas afrika popolo (ĉ. 120.000), vivinta en la iama Germana Sudokcidenta Afriko, nun en Namibio kaj Angolo, iom ankaŭ en Bocvano. Inter la jaroj 1904 kaj 1907 la germana armeo sub gvido de generalo Lothar von Trotha murdis ĉirkaŭ 65-80.000 hererojn. Ili estis per mitralo mortpafitaj, iliaj akvofontoj estis venenitaj, la ankoraŭ vivantaj estis forpelataj al la dezerto, kie oni trudis ilin morti pro malsato kaj soifo dum semajnoj malhelpante ilin eliri. La idaro de la iamaj hereroj provis akiri monon de Germanio (4 miliardojn da dolaro) okaze de la 100-jara datreveno de la herera genocido, sed ili malsukcesis. Pri tiu parolis interalie Sven Lindqvist. Dum ĉi tiu datreveno germana ministrino pri ekonomia kunlaboro Heidemarie Wieczorek-Zeul omaĝis la viktimojn (nur propranome), tamen ne pardonpetis pro la krimoj nome de la germanoj. Ne menciis reparaciojn, kion atendis la posteuloj de la murditoj.

Vidu ankaŭ

• Herera lingvo
• Germanaj kolonioj
• Germana genocido de hereroj kaj namoj

• 
  Hereraj virinoj
• 
  Hereroj
• 
  Hereroj, fine de la 19a jarcento

Eksteraj ligiloj

• http://www.gruenekraft.net/html/gz246.php Arkivigite je 2004-10-14 per la retarkivo Wayback Machine
• http://www.namibian.org/travel/namibia/population/herero.htm Herera popolo de Namibio
• http://www.einseitig.info/html/content.php?txtid=222 Arkivigite je 2006-02-02 per la retarkivo Wayback Machine
• http://derstandard.at/?url=/?id=2156901