Hermiswil

Hermiswil
	Blazono de Hermiswil
	Blazono de Hermiswil
	Aeschi, Seeberg, Hersiwil kaj Hermiswil
	Aeschi, Seeberg, Hersiwil kaj Hermiswil; Hermiswil videblas centre de la bildo sur la dekstra flanko (markita)
former municipality of Switzerland • vilaĝo
Kantono	Berno
Administra distrikto	Supra Argovio
Malnova distrikto ĝis 2009	Wangen
Geografia situo	CH1903: 619548 / 222455 (mapo)47.1527777777787.6963888888889Koordinatoj: 47° 9′ N, 7° 42′ O; CH1903: 619548 / 222455 (mapo)
Nombro de loĝantoj	92
Areo	1,04 km²
Alteco	494 m super marnivelo
Poŝtkodo	3475
Komunumkodo	0978
	Mapo de Hermiswil
	Mapo de Hermiswil
	v • d • r

Hermiswil estis ĝis la 31-a de decembro 2009 komunumo de la distrikto Wangen kaj ekde la 1-a de januaro 2010 komunumo de la administra distrikto Supra Argovio en Kantono Berno, Svislando. Ĝi havis 92 loĝantojn je la 31-a de decembro 2009.

Geografio

Hermiswil situas en la Svisa Mezlando proksimume 4 kilometrojn sudokcidente de Herzogenbuchsee. La laŭ areo plej malgranda komunumo de Supra Argovio konsistas nur el la vilaĝo Hermiswil kaj la bieno Feldacher en nordo de la komunumo. Tra la vilaĝo fluas la de sudo al nordo la rivero Önz, kiu apud Graben alfluas al Aro.

La teritorio de la komunumo etendiĝas sur areo de 1,04 km², de kiuj 35,2% estas kovritaj de arbaro, 58,1% servas por agrikulturo kaj 5,7% por setlado. ^[1]

Najbaraj komunumoj

La komunumo Hermiswil limas en nordo al Bettenhausen, en oriento al Ochlenberg, en sudo al Seeberg, kaj en okcidento al la soloturna eksklavo Steinhof, kiu apartenas ekde la 1-a de januaro 2012 al la komunumo Aeschi (SO).

Trafiko

Tra la komunumo kondukas la kantona ĉefvojo n-ro 240 de Langenthal al Burgdorf. Ĉe la trajnlinio de Herzogenbuchsee al Burgdorf de Svisaj Federaciaj Fervojoj, kiu kondukas rekte tra la vilaĝo, la komunumo neniam posedis stacidomon. La plej kroksima stacidomo situas 1 kilometro okcidente de la vilaĝo en Riedtwil. Per buslinio de Herzogenbuchsee al Wyningen la komunumo estas konektita al la publika transportreto.

Historio

La unua dokumenta mencio de Hermiswil datiĝas el la jaro 1289 kiel Hermanswile. La teritorio de la hodiaŭa komunumo apartenis en mezepoko kiel feŭdo de la Grafoj de Kiburgo al la Senjoroj de Stein, kies heredaĵo en la jaro 1466 fariĝis havaĵo de la urbo Soloturno. En la kontrakto de Wynigen de la jaro 1665 Soloturno koncedis la vilaĝon Hermiswil al la urbo Berno. Berno submetis la vilaĝon al la malalta tribunalo de Bollodingen kaj al la kamparvoktejo Wangen. Post la Helveta Revolucio en la jaro 1798 ĝi estis atribuita al la distrikto Wangen, ĉe kiu ĝi restis ĝis ties integriĝo al la nova administra distrikto Supra Argovio en la jaro 2010.^[2]