János Prokopp

János Prokopp
Persona informo
Naskiĝo	la 8-an de oktobro 1825; en Apatin (Hungara reĝlando, Habsburga Imperio)
Morto	11-an de majo 1894; en Esztergom
Memorigilo
Okupo
Okupo	arkitekto
	v • d • r

János Prokopp [jAnoŝ], laŭ hungarlingve kutima nomordo Prokopp János estis hungara masonisto, arkitekto.

János Prokopp^[1] naskiĝis la 8-an de oktobro 1825 en Apatin (Hungara reĝlando, Habsburga Imperio, nuntempe en Serbio), li mortis la 11-an de majo 1894 en Esztergom, (Hungara reĝlando, Aŭstrio-Hungario).

Biografio

János Prokopp apartenis al la germana minoritato de la lando. Li estis edukita en Zombor, kie li akiris membrecon en la masonista gildo. En 1843 laŭ la gilda kutimo li studvojaĝis al Germanaj landoj kaj Habsburga Imperio. Dum sep jaroj li laboris en 39 konstruaĵoj kaj ankaŭ frekventis arkitekturajn lernejojn. Hejmenveninta li laboris ĉe Frigyes Feszl kaj Miklós Ybl. En 1853 li ekhavis arkitekturan postenon en firmao, en la sama jaro li edziĝis kaj la geedza paro loĝis en Óbuda. Ŝi mortis en 1858 postlasinta filon. En la sekva jaro li denove edziĝis kaj filo naskiĝis. En 1862 la nova geedza paro translokiĝis al Esztergom, kie li trovis lokon ĉe la episkopejo, en 1871 en la departemento, fine li estis urba arkitekto.