Kaliště (distrikto Pelhřimov)

Por aliaj signifoj, bv. rigardi la apartigilan paĝon: Kaliště

Kaliště
germane Kalischt
municipo
Preĝejo de sankta Johano la Baptisto en Kaliště
Flago Blazono
Oficiala nomo: Kaliště
Ŝtato	Ĉeĥio
Regiono	Regiono Vysočina
Distrikto	Distrikto Pelhřimov
Administra municipo	Humpolec
Historiaj regionoj	Moravio, Bohemio
Montaro	Montetaro Křemešník
Situo	Kaliště
- alteco	601 m s. m.
- koordinatoj	49° 35′ 56″ N 15° 18′ 25″ O (mapo)
Areo	12,41 km² (1 241 ha)
Loĝantaro	381 (2024)
Denseco	30,7 loĝ./km²
Unua skribmencio	1318
Horzono	MET (UTC+1)
- somera tempo	MET (UTC+2)
Poŝtkodo	393 01 ĝis 396 01
NUTS 3	CZ063
NUTS 4	CZ0633
NUTS 5	CZ0633 548090
Katastraj teritorioj	3
Partoj de municipo	5
Bazaj setlejunuoj	4
Situo enkadre de Ĉeĥio Situo enkadre de Ĉeĥio
Vikimedia Komunejo: Kaliště (Pelhřimov District)
Retpaĝo: www.obeckaliste.cz
Portalo pri Ĉeĥio

Kaliště (germane Kalischt) estas vilaĝo en Ĉeĥio. Ĝi situas sep kilometrojn nordokcidente de Humpolec en la Bohemia-Moravia montetaro kaj apartenas al Distrikto Pelhřimov. Vivas ĉi tie 381 loĝantoj (2024).

La najbaraj municipoj de la setlejo estas Horní Paseka, Dolní Město, Koberovice, Hojanovice, Horní Rápotice kaj Jiřice (distrikto Pelhřimov).

Geografio

Kaliště troviĝas ĉe la ligoŝoseo de Humpolec al Ledeč nad Sázavou sur altebeno ĉe la akvodislimo inter la riveroj Želivka kaj Sázava. Najbaraj komunumoj estas Horní Paseka kaj Rejčkov en la nordo, Staré Hutě kaj Proseč en la nordoriento, Horní Rápotice en la sudoriento, Háj kaj Holušice en la sudo, Lohenice kaj Koberovice en la sudokcidento, Bělice, Bučí kaj Hojanovice en la okcidento samkiel Podivice kaj Hory en la nordokcidento.

Historio

Kaliště unuafoje estis dokumentita en 1318 en posedaĵregistro de la kapitulo Vyšehrad. Post detruado de Vyšehrad sekve de la husmovado en la jaro 1420, imperiestro Sigismondo fariĝis posedanto de la loko, kiu ĝin garantie donis en 1436 al Nikolao Trčka z Lípy. Kaliště fariĝis parto de la reglando Lipnice kaj iris en 1561 per vendado al la Regado de Světlá. En 1698 Johano Joaĥimo de Harrach akiris la lokon de Johano Bartolomeo de Vernier. Per tio Kaliště estis eligita el la regado de Světlá kaj formis propran bienan reglandon, en kiu Harrach konstruigis kastelon. En 1707 Johano Leopoldo Donato de Trautson kaj Falkenŝtejn aĉetis Kaliŝton kune kun Zahrádka kaj Horní Paseka kaj enigis la vilaĝojn en sian reglandon Dolní Kralovice. En 1787 oni tie instalis paroĥon kaj samjare ekfunkciis ankaŭ la unuklasa vilaĝa lernejo, kiu loĝis en propra domo apud la preĝejo. En 1880 la vinbrandfarejo sur la bieno, al kies antaŭaj posedantoj ankaŭ apartenis la avo de Gustav Mahler, Šimon Mahler, estis malfunkciigita kaj transkonstruita en alkoholbrulilo-farejon.

Dum la paso de la 18-a jarcento la kastelo estis rezidejo de la bienadministrado kaj pli kaj pli ruiniĝis, tiel ke en 1801 oni rezignis ĝin. Post forigo de la patrimoniaj regadoj Kalischt farigis en 1850 memstara komunumo kaj kune kun la apartenaj U Málků, Německo kaj Staré Hutě parto de la politika distrikto Humpolec. ekde tiu tempo la bienposedantoj plurvoje ŝanĝis, kaj en 1948 la posedaĵo de Kristýna Filípková, kiu akirintis la bienon en 1937, estis ŝtatigita.

En 1928 Kaliště estis aliformita kiel modelvilaĝo de la distrikto Humpolec kaj dum tio la tuta konstruaĵaro de la vilaĝoplaco malkonstruita kaj nove formita. En la 1930-aj jaroj la naskiĝdomo de Gustav Mahler, situanta ĉe la vilaĝorando, forbrulis. En 1957 okazis la fondado de terkultiva kooperativo, kiu dum la sekvaj jaroj malkonstruigis la malnovajn domojn de la bieno inkluzive la barokan kastelkapelon. En 1986 la lernejo malfunkciiĝis pro tro malgranda lernantonombro. En 1993 la kooperativo malfondiĝis.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	990
1880	979
1890	1 046
1900	1 040
1910	972
1921	906

Jaro	Loĝantoj
1930	815
1950	638
1961	615
1970	511
1980	417
1991	334

Jaro	Loĝantoj
2001	333
2014	350
2016	354
2017	352
2018	350
2019	346

Jaro	Loĝantoj
2020	353
2021	363
2022	358
2023	374
2024	381

Partoj de municipo

Al la komunumo Kaliště apartenas la partoj Háj, Holušice (Holuschitz), Podivice (Podiewitz) kaj Staré Hutě (Althütten).

Vidindaĵoj

• Preĝejo de sankta Johano la Baptisto ĉe la vilaĝoplaco

Naskiĝintoj

• Gustav Mahler, komponisto