Komarko de Logronjo

Komarko de Logronjo, norde de la regiono.

Komarko de Logronjo, en hispana Comarca de Logroño, estas komarko en la nordo de la provinco kaj regiono Rioĥo, (norda Hispanio). Ĝi estas ankaŭ ene de la komarkaro Meza Rioĥo, en la centra triono de la regiono laŭ vertikala divido (orient-okcidente), kune kun Kameroj sude, tio estas Nova Kamero kaj Malnova Kamero.

Estas du ĉefaj trajtoj en la komarko: geografie la rivero Ebro fluas laŭ la tuta norda bordo de la komarko (kaj de la tuta regiono) ofte farante limon kun la Provinco Alavo; due la provinca kaj regiona ĉefurbo Logronjo estas ankaŭ la ĉefa centro demografie, ekonomie kaj socipolitike kaj de la komarko kaj de la tuta regiono. La komarko limas nordokcidente kun la Provinco Alavo kaj nordoriente kun Navaro.

Datumoj

Logronjo estas la plej loĝata urbo kaj de la komarko kaj de la regiono.

Nombro de municipoj: 32

Areo: 861,18 km²

Loĝantaro (2009): 192 756 loĝantoj

Loĝdenseco: 223,83 loĝ/km²

Latitudo averaĝe: 42º 23' 1" norde

Longitudo averaĝe: 2º 22' 57" okcidente

Altitudo averaĝe: 536 msm

Municipoj de la komarko

Agoncillo, Albelda de Iregua, Alberite, Alcanadre, Arrúbal, Ausejo, Cenicero, Clavijo, Corera, Daroca de Rioja, El Redal, Entrena, Fuenmayor, Galilea, Hornos de Moncalvillo, Lagunilla del Jubera, Lardero, Logroño, Medrano, Murillo de Río Leza, Nalda, Navarrete, Ocón, Ribafrecha, Robres del Castillo, Santa Engracia del Jubera, Sojuela, Sorzano, Sotés, Torremontalbo, Ventosa, Villamediana de Iregua

Demografio

Demografia distribuado laŭ municipoj en Komarko de Logronjo. Evidentas la pli alta denseco en la ĉefurbo kaj duarange en la ĉirkaŭaj municipoj.

Mapo de la orografio de la Komarko de Logronjo. Norde la rivero Ebro kaj ĉefaj komunikvojoj.

Municipo	Loĝantaro	Areo	Denseco	Submunicipoj
Agoncillo	1.103	34,73	33,77	Recajo kaj San Martín de Berberana
Albelda de Iregua	3.319	23,03	141,95
Alberite	2.426	20,24	126,58
Alcanadre	695	31,08	22,55
Arrúbal	484	7,35	64,49
Ausejo	815	56,58	15,89
Cenicero	2.013	31,76	64,67
Clavijo	294	19,66	14,34	La Unión de los Tres Ejércitos
Corera	249	8,20	33,66
Daroca de Rioja	50	11,29	4,69
El Redal	140	8,41	17,24
Entrena	1.501	21,03	73,28
Fuenmayor	3.108	34,29	92,04	Barrio de la Estación
Galilea	340	9,72	37,55
Hornos de Moncalvillo	91	7,40	11,62
Lagunilla del Jubera	309	34,30	9,01	Ventas Blancas, Villanueva de San Prudencio kaj Zenzano
Lardero	9.620	20,36	457,07
Logroño	150.876	79,55	1910,27	El Cortijo, La Estrella, Varea kaj Yagüe
Medrano	309	7,46	42,09
Murillo de Río Leza	1.683	46,06	37,10
Nalda	960	24,60	38,98	Islallana
Navarrete	2.919	28,49	103,72
Ocón	280	60,92	4,81	Aldealobos, Las Ruedas de Ocón, Los Molinos de Ocón, Oteruelo, Pipaona kaj Santa Lucía
Ribafrecha	1.003	34,58	29,29
Robres del Castillo	31	35,88	0,84	Dehesillas, Buzarra, Oliván, Valtrujal kaj San Vicente de Robres
Santa Engracia del Jubera	169	86,07	1,85	Bucesta, El Collado, Jubera, Reinares, San Bartolomé, San Martín, Santa Cecilia kaj Santa Marina
Sojuela	278	15,15	19,01
Sorzano	226	10,23	24,24
Sotés	297	14,60	19,83
Torremontalbo	12	4,96	3,02
Ventosa	176	9,63	17,55
Villamediana de Iregua	7.696	20,42	371,65	Puente Madre

La komarko de Logronjo estis historie zono de mezgrandaj loĝlokoj, ĉar la valo de la rivero Ebro, kaj la malsupraj fluejoj de la riveroj Iregua, Leza kaj Jubera, faris tiun zonon tero de grandaj agrikultura riĉo kaj ekonomiaj bazoj. Tial en 1900 plej parto de ties municipoj jam superis la milon da loĝantoj kaj preskaŭ ĉiuj superis 500 loĝantojn.

Tamen la demografia evoluo de la komarko estis tre malegale inter la zonoj de la norda valo kaj la zonoj de suda montetaro kaj montaro. Dum la zonoj de la Valo de Ebro kaj la malsupraj zonoj de la valoj de la riveroj Iregua kaj Leza, retenis sian loĝantaron laŭ tendenco konstanta kaj eĉ kreskanta, la zonoj ĉemontaj kaj ĉemontaraj spektakle perdis loĝantaron kompare. Tial, se ne enkalkuli la municipon Logronjo el la demografia evoluo de la komarko, observeblas, ke la perdo de loĝantaro de los municipoj de montaroj Sierra de la Hez kaj Sierra de Moncalvillo estas ekvilibrita de la demografia kresko de la municipoj de la valo de Ebro, kio faras, ke la demografia tendenco totale estas de konstanta demografia stagnado.

Tiu tendenco ŝanĝiĝis ekde la 2000-aj jaroj kiam la plialtigo de la prezo de grundo kaj de loĝejoj en Logronjo, faras, ke multaj homoj translokiĝis al proksimaj municipoj kie la loĝejoj estas multe pli facile akireblaj (speciale ĉe Lardero kaj Villamediana). Tial okazis senprecedenca demografia kresko en la komarko, ĉar pliiĝis en pli ol unu triono la komarka loĝantaro. Al tio aldonendas movado de industrioj kun sidejoj en Logronjo (iamaj industriaj zonoj de Cascajos kaj Yagüe) al proksimaj loĝlokoj kiel Agoncillo, Arrúbal, Albelda, Villamediana, ktp., kio rezultas en la fakto ke la laboristoj de tiuj industrioj ofte loĝas en tiuj lokoj aŭ aliaj proksimaj.

Finfine observeblas, ke Logronjo generas efikon koncentrigan al la komarko, ĉar la municipoj ju pli estas for de la ĉefurbo des pli da loĝantaro ili perdas.

Vidu ankaŭ

• Komarkoj de Rioĥo