La iama ĉaskastelo Lambsheim troviĝas ĉe la strato Am Schlossgarten 14 en Lambsheim. Ĝi apartenas al la generalo von Efferen. La 1706 konstruita kaj 1890 pligrandigita konstruaĵo estas ĝis hodiaŭ en privata posedo. Ĝi estas baroka nobela sidejo ekster la fortikaĵo de la urbeto. La duetaĝa stukita konstruaĵo kun granda libera ŝtuparo estis konstruita kiel akvokastelo ĉirkaŭita de ĝardeno. Ekde 1968 la plej granda parto de la ĝardeno estis uzata por pligrandigi la konstruaĵon kaj la fosaĵo estis plenigita. Al la ĉaskastelo apartenis ankaŭ la en 1706 konstruita administra konstruaĵo, kiu estis donacita al la komunumo en la jaro 1936. La du- kaj duonetaĝa angulkonstruaĵo servis unue kiel enkasigejo kaj poste ĝi estis loĝdomo. Ekde la renovigado en 1991 ĝi servas kiel urbodomo.
La iama kastelo Meckenheimer estas kastelo en Lambsheim. Ekde 1400 je la sama loko estis dokumentita sidejo de kavaliro. Konstruaĵo el la jaro 1500 estis detruita de Philipp von Hessen, poste rekonstruita. De tiu konstruaĵo konserviĝas vastaj keloj. Pli poste multfoje damaĝita ĝi estis rekonstruita post la Tridekjara Milito kiel duetaĝa domo. La malfrubaroka tegmentturo estis el la modernigado de 1740. La komunumo heredis ĝin en 1823. Ĝis 1966 la konstruaĵo estas utiligita kiel lernejo kaj administrejo. Hodiaŭ en la teretaĝo estas infanvartejo.
La centro de Lambsheim
La turo de la Nova Pordego
