Ligerz

Ĝemelurboj
	Érôme vd

Ligerz
	Blazono de Ligerz
	Blazono de Ligerz
	Ligerz vidita de la Sankt-Petro-Insulo
	Ligerz vidita de la Sankt-Petro-Insulo
komunumo en Svislando
Ĝemelurboj
	Érôme vd
Kantono	Berno
Administra distrikto	Bielo
Malnova distrikto ĝis 2009	Nidau
Koordinatoj	47° 5′ 6″ N 7° 8′ 13″ O / 47.08500 °N, 7.13694 °O (mapo)Koordinatoj: 47° 5′ 6″ N 7° 8′ 13″ O / 47.08500 °N, 7.13694 °O (mapo)
Nombro de loĝantoj	526
Areo	1,80 km²
Alteco	433 m super marnivelo
Poŝtkodo	2514
Komunumkodo	0740
	Mapo de Ligerz
	Mapo de Ligerz
	v • d • r

Por samtitolaj artikoloj vidu la paĝojn Ligerz (stacidomo), Ligerz (Talstation) (stacio), Ligerz Festi (stacio) kaj Ligerz Pilgerweg (stacio).

Ligerz (en la franca lingvo Gléresse) estis ĝis la 31-a de decembro 2009 komunumo de la distrikto Nidau kaj ekde la 1-a de januaro 2010 komunumo de la administra distrikto Bielo en Kantono Berno, Svislando. Ĝi havis 526 loĝantojn je la 31-a de decembro 2010.

Geografio

Ligerz situas 15 kilometrojn okcidente de la urbo Bielo sur la suda deklivo de la Ĵurasa Montaro ĉe la norda bordo de la Lago de Bielo. Al la komunumo apartenas krom la vilaĝo Ligerz ankaŭ la vilaĝetoj Festi, Schernelz, Bipschal kaj la okcidenta parto de Kleintwann. La orientan limon de la komunumo formas la rojo Twannbach, kiu fosis ravinon en la dorson de la Ĵuraso.^[1]

La teritorio de la komunumo etendiĝas sur areo de 1,80 km², de kiuj 50,6% estas kovritaj de arbaro, 31,7% servas por agrikulturo kaj 12,8% por setlado. ^[2]

Najbaraj komunumoj

La komunumo Ligerz limas en nordo al Prêles, en oriento al Twann-Tüscherz, en sudo al la Lago de Bielo, kaj en okcidento al La Neuveville.

Trafiko

La kantona ĉefvojo n-ro 5 kaj la svisa aŭtovojo A5 pasas en tunelo sub la komunuma teritorio. La komunumajn setlejojn mem trapasas la vojo n-ro 1358. La komunumo disponas pri stacidomo ĉe la trajnlinio de Svisaj Federaciaj Fervojoj de Bielo al Neŭŝatelo. De la stacidomo de Ligerz funikularo nomita Vinifuni kondukas al Prêles.

Historio

La unua dokumenta mencio de Ligerz datiĝas el la jaro 1178 kiel Lieresse. En la jaro 1218 estas menciita iu Volmarus de Liegerche, kaj en la jaro 1236 aperis la mencio Ligerce. Dum mezepoko Ligerz estis baronejo, kiu estis feŭdo de la Grafoj de Nidau. La praburgo de la Baronoj de Ligerz estis la burgo Festi menciita en la jaro 1236 supre de la vilaĝo. En la jaro 1388 kaj definitive en la jaro 1393 la jurisdikcio pri Ligerz fariĝis havaĵo de la urba ŝtato de Berno. La baronejo en la jaro 1358 estis dividita kaj la duono fariĝis havaĵo de bernaj civitanoj de Büren kaj kaj la alia de Muleren. En la jaro 1409 la unua parto estis vendita al Bielo en la jaro 1469 la alia duono al Berno. En la jaro 1551 Berno akiris ankaŭ la bielan duonon kaj atribuis la tutan havaĵon al la Voktejo Nidau.^[3]