Makula tringo
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Actitis macularia | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Makula tringo (Actitis macularia), estas specio de la eta genro Actitis de vadbirdoj de la familio de Skolopedoj kaj ordo de Ĥaradrioformaj, kiu enhavas nur du tre similajn speciojn de birdoj. Kune kun ties frata specio Blankventra tringo, Actitis hypoleucos -aŭ antaŭe Tringa hypoleucos-, ĝi formas la genron Actitis. Ili anstataŭas unu la alian geografie; perditaj birdoj povas pariĝi kun breduloj de la alia specio kaj hibridiĝi.
Disvastiĝo
[redakti | redakti fonton]La Makula tringo (Actitis macularia), reproduktiĝas tra plej granda parto de Alasko, Kanado kaj Usono; kelkaj en orienta Siberio. Ĝi migras vintre al marbordoj de suda Usono kaj Centra Ameriko, la Karibo kaj tuta Suda Ameriko, escepte sudaj Argentino kaj Ĉilio. Estas tre raraj vaguloj en okcidenta Eŭropo. Ili ne estas sociemaj birdoj kaj estas malofte vidataj en grandaj aroj. Ili profitas ĉiun ĉiutipan akvoparton, ĉefe dum migrado.
Aspekto
[redakti | redakti fonton]
La Makula tringo estas eta vadbirdo, 18 - 20 cm longa kun enverguro de 37-40 cm kaj pezo de 34 ĝis 50 g. Tiu specio estas eta migranta vadbirdo, brungriza supre kaj blanka sube, kaj havas mallongajn flavajn aŭ flavecajn krurojn kaj mezgrandan bekon kun heloranĝa bazo kaj centro kaj malhela pinto. Pli precize la plumaro de reproduktantaj plenkreskuloj estas bruna supre, tio estas dorse, ĉekape, nuke kaj ambaŭflanke de kolo, sed gorĝe kaj bruste malfermiĝas blanka larĝa vertikala makulo ĝis la ventro kio estas tute blanka kaj plena je brunaj makuletoj, kiujn ne havas nereproduktuloj kiuj pro tio ŝajnas similaj al Blankventra tringo, Actitis hypoleucos, escepte pro la pli helaj kruroj. La okulo estas nigra, okulringo blanka, strio traokula nigra kaj strio super tiu blanka. Dumfluge videblas blanka strio tra la flugiloj -ne tiom ĉe nereproduktuloj- kaj bruna vosto. Kiel tiu specio, estas karaktera diferenciga malalta flugo per rigidaj flugiloj super akvo.
Reproduktado
[redakti | redakti fonton]Tiuj birdoj nestumas surgrunde inter herbaro kaj ties kutimoj ĉeestigas fluantan akvon. Ili defendas sian teritorion. La ino demetas 3 ĝis 5 brunflavecajn ovojn kaj kutime pariĝas kun pli ol unu masklo; pro tio ŝi ne kovas, nur la maskloj dum pli ol tri semajnoj. Post eloviĝo nur la patro portas la idojn al manĝoriĉa apartejo kie li zorgas la idaron dum du tri semajnoj.
Kutimoj
[redakti | redakti fonton]La Makula tringo manĝas per rigardo ĉegrunde aŭ ĉe neprofunda akvo bekoplukante etajn manĝerojn kiel insektojn, krustulojn kaj aliajn senvertebrulojn kaj foje etajn fiŝetojn. Ili povas predi ankaŭ insektojn dum ties flugo. Dum manĝado ili povas esti rekonitaj pro ties karaktera movado de kapo kaj balanco.
Aliaj
[redakti | redakti fonton]La populacio estas de ĉirkaŭ 150 000 ekzempleroj.
Bildaro
[redakti | redakti fonton]-
-
Makula tringo (fronta vido) -
Makula tringo, nereprodukta plumaro -
Makula tringo, reprodukta plumaro -
Ovoj de Actitis macularius - MHNT
Eksteraj ligiloj
[redakti | redakti fonton]- Informaro pri Specio Makula tringo - Laboratorio Cornell pri Ornitologio
- Informaro kaj fotoj pri Makula tringo - Birdoj kaj Birdumo ĉe Suda Dakoto
- Makula tringo Actitis macularia - USGS Birdo-Identigejo kaj Informejo Patŭent
| ||||||||||||||||||