Mon (heraldiko)

Imperia Blazono de Japanio, Kikukamonshō, la Mon de la Imperiestro de Japanio)

Mitsuba Aoi, la Mon de la Tokugawa-klano sur lanterno en la Tosho-gu, Nikko

Sangaimatsu

Goshichi no Kiri, La Blazono de la Ĉefministro de Japanio)

Mon (japane 紋, signo aŭ simbolo) aŭ Kamon (家紋, familisimbolo) estas japana familisimbolo, komparebla al blazono de la eŭropa heraldiko.

La plej multaj mon estas unukoloraj kaj montras skizitan planton aŭ beston en cirklo.

Historio

Mon eble ekzistis jam dum la Asuka-epoko, inter 552 kaj 710. Certas, ke nobelaj japanaj klanoj fine de la Heian-epoko dum la 12-a jarcento uzis mon. Dum la postaj jarcentoj, ĉefe batalantoj portis ilin, ĉar ili estis, kiel blazonoj dum la mezepoko en Eŭropo distingiloj dum bataloj.

Ekde la mezo de la Edo-epoko (1603–1867) familioj el aliaj sociaj tavoloj uzis mon. Samtempe iĝis moda porti la familian mon sur la kimono. Nuntempe preskaŭ ĉiu japana familio havas sian mon. En la ĉiutaga vivo ĝi havas malgravan rolon, sed oni uzas ilin por domŝildoj kaj ili foje estas enmetitaj en firmaaj simboloj. Oni montras mon dum ceremonia okazaĵo, ĉefe dum la obon-festo, la tago de memoro pri mortintoj.

Literaturo

• Hugo Gerhard Ströhl, Japanisches Wappenbuch "Nihon Moncho". Ein Handbuch für Kunstgewerbetreibende und Sammler, Vieno 1906

Vidu ankaŭ

• Heraldiko

Eksteraj ligiloj

• "Japanaj blazonoj" de Rudolf Lange (1850–1933), en: Mittheilungen des Seminars für Orientalische Sprachen an der Königlichen Friedrich Wilhelms-Universität zu Berlin, 1903, S. 63–281. germane
• Japan Crest free material hakkodaiodo—Detailed commentary on Japanese kamon and a list of images. Free material is eps format.(in Japanese)