Montaña de Riaño

Komarkoj de la provinco Leono; Montaña de Riaño nordoriente, helverde.

Akvorezervejo de Riaño kaj Nova Riaño.

Vilaĝo kaj valo Riaño, antaŭ la inundo de la valo kaj la detruo de ĉiuj domoj el la vilaĝo.

Montaña de Riaño [monTAnja deRJAnjo] (aŭ Orienta Montaro) estas komarko en nordoriento de la provinco Leono, en la regiono Kastilio kaj Leono, Hispanio.​ Ĝi etendiĝas tra 241 759 ha kaj estas dividita en 23 municipajn teritoriojn kaj foje la limaj konsideroj ne koincidas depende de la fontoj. Temas pri montara areo, kiel sugestas ties nomo. Ĝi limas norde kun Asturio kaj estas konektita kun Asturio kaj Kantabrio tra la montopasejoj San Isidro kaj San Glorio. Elstaras la riveroj Curueño, Valdeón, Cea, Porma kaj Esla, krom la akvorezervejoj de Porma kaj Riaño. La akvobaraĵo de tiu lasta esti konstruita el la 1960-aj jaroj, sed konstruado estis haltigita en la 1970-aj jaroj, tamen reprenita en la 1980-aj jaroj, kiam socialistoj akcelis la finigon por eviti la malpermeson fare de la bruselaj instancoj. Ĝi neniam estis inaŭgurita. La akvorezervejo inundis naŭ vilaĝojn inter kiuj Riaño mem.

Cistierna estas la plej loĝata vilaĝo.

Municipoj

Municipo	Areo (km²)	Municipo	Areo (km²)
Acebedo	50,18	Prioro	48,98
Boca de Huérgano	291,84	Puebla de Lillo	171,4
Boñar	180,62	Reyero	26,2
Burón	157,71	Riaño	97,63
Cármenes	154,22	Sabero	24,94
Cistierna	97,61	Valdelugueros	143,47
Crémenes	153,12	Valdepiélago	56,81
La Ercina	105,02	Valderrueda	160,78
Maraña	33,57	La Vecilla	44,29
Matallana de Torío	73,45	Vegacervera	34,89
Oseja de Sajambre	73,31	Vegaquemada	72,95
Posada de Valdeón	164,6

Vidu ankaŭ

• Municipoj de Provinco Leono

Bibliografio

• Fernández González, Jesús (2013). Ministerio de Agricultura, Alimentación y Medio Ambiente, eld. Caracterización de las comarcas agrarias de España 29.

Eksteraj ligiloj

• Diputación de León Arkivigite je 2020-11-01 per la retarkivo Wayback Machine
• Oficiala Turismejo de la Provinco de Leono
• Oficiala Turismejo de la Urbo de Leono kun retkameraoj Arkivigite je 2012-05-17 per la retarkivo Wayback Machine