Niederbuchsiten

Niederbuchsiten
	Blazono de Niederbuchsiten
	Niederbuchsiten
komunumo en Svislando
Kantono	Soloturno
Distrikto	Gäu
Koordinatoj	47° 17′ 50″ N 7° 46′ 15″ O / 47.29722 °N, 7.77083 °O (mapo)Koordinatoj: 47° 17′ 50″ N 7° 46′ 15″ O / 47.29722 °N, 7.77083 °O (mapo)
Areo	5,49 km²
Alteco	465 m super marnivelo
Poŝtkodo	4626
Komunumkodo	2405
	Mapo de Niederbuchsiten
	v • d • r

Pri la komunumo

Niederbuchsiten estas komunumo en la distrikto Gäu en Kantono Soloturno, Svislando. Ĝi havis 961 loĝantojn je la 31-a de decembro 2010.

Geografio

Niederbuchsiten situas en la centro de la distrikto Gäu sudo de la rivero Dünnern.

Najbaraj komunumoj

La komunumo Niederbuchsiten limas en nordo al Oberbuchsiten, en oriento al Neuendorf, en sudo al Wolfwil, kaj en okcidento al Kestenholz.

Trafiko

Niederbuchsiten situas ĉe la kantona vojo n-ro 268.1 de Kestenholz al Olten. La plej proksima alveturejo al la svisa aŭtovojo A1 situas proksimume 4 kilometrojn okcidente en Oensingen. Al la publika transportreto la komunumo estas konektita per busolinioj al Olten kaj al Kestenholz. Aliflanke de Dünnern en Oberbuchsiten troviĝas stacidomo de la fervojlinio de Olten al Soloturno.

Historio

La unua dokumenta mencio de Niederbuchsiten datiĝas el la jaro 1040 kiel vico Buxita. En la jaro 1416 Niederbuchsiten fariĝis posedaĵo de Berno. En la jaro 1463 la senjoreco pri Niederbuchsiten transiris al Soloturno kaj ĝi fariĝis parto de la Supra Distrikto de la Voktejo Bechburg, kies tribunalejo estis Oensingen. ^[1]