Sahibzada Ajit Singh Nagar

Sahibzada Ajit Singh Nagar
urbo ; urbego vd
Administrado
Poŝtkodo	140110
En TTT	Oficiala retejo [+]
Demografio
Loĝantaro	146 213 (2011) [+]
Geografio
Geografia situo	30° 43′ N, 76° 43′ O (mapo)30.71944444444476.718055555556Koordinatoj: 30° 43′ N, 76° 43′ O (mapo) [+]
Alto	316 m [+]
Horzono	UTC+05:30 [+]
	Sahibzada Ajit Singh Nagar (Panĝabo)
	Situo de Sahibzada Ajit Singh Nagar
	Sahibzada Ajit Singh Nagar (Barato)
	Situo de Sahibzada Ajit Singh Nagar
Alia projekto
	Vikimedia Komunejo Mohali [+]
	v • d • r

Sahibzada Ajit Singh Nagar, panĝabe: ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ, mallonge SAS Nagar estas planita urbego kaj municipo en nordokcidenta Barato, en orienta parto de subŝtato Panĝabo (Barato), en la samnoma distrikto, kies sidejo ĝi estas. La loknomo estas oficiale nomita pri la plej aĝa filo de guruo Gobind Singh. Ĝis 2012 la oficiala loknomo estis Mohali (panĝabe ਮੋਹਾਲੀ).

Demografio

En 2011 SAS Nagar havis 146 213 (kun la aglomeraĵo 176 152) da loĝantoj kun legoscio 93%, signife pli alta, ol la landa averaĝo.

Geografio

SAS Nagar situas en montaro en averaĝa alteco de 324 metrojn laŭ la marnivelo kontaktiĝanta kun la subŝtata ĉefurbo Ĉandigaro. Urbomezo de Ĉandigaro troviĝas 7, Ambala 44, Ĥanna 47, Patiala 51, Malerkotla 82, Ludiana 85, Saharanpur 116, tutlanda ĉefurbo Delhio 237, Mumbajo 1363, Kolkato 1470 kilometrojn (aere) [1].

Historio

Jam antaŭ 8 mil jaroj tiu areo estis loĝata. Baldaŭe la vilaĝo Mohali estis parto de la Sika Imperio. En 1967 la areo estis evoluigita kiel industria konstruaĵo; tio tiris eventuale konstruadojn de loĝkvartaloj. La urboplano estis prezentita en 1975, poste komenciĝis konstruado de la planita urbo. Mohali evoluis rapide per informa teknologio. Ekde 2006 la distrikto memstariĝis. En la 1960-aj jaroj ĉe alia flanko de Ĉandigaro alia planita urbo Panĉkula naskiĝis, ilia komuna nomo estas Triopo Ĉandigaro.

Ekonomio

En SAS Nagar oni produktas traktorojn, krome ĝi estas komerca centro kaj signifa loko de informa teknologio.

Lingvoj

En SAS Nagar la oficiala lingvo estas la panĝaba lingvo, tamen la urbego estas multlingva pro la alvenintoj.

Religioj

En SAS Nagar vivas ĉefe sikoj (51,5%), poste hinduoj (45,5%), islamanoj (preskaŭ 2%), kristanoj (preskaŭ 1%), iomete ankaŭ aliaj.

Eduko

En SAS Nagar la plej altnivela eduko okazas en 2 universitatoj, pluraj altlernejoj kaj instituto.

Klimato

La klimato en SAS Nagar estas subtropika kontinenta kun influo de musono. Dum decembro kaj januaro frosto foje okazas. Jare pluvas averaĝe po 617 mm. En ĉiuj monatoj pluvas iomete, tamen pro la musono tre ofte. La jara meza temperaturo estas 24 °C.