Sinua cistikolo
 | ||||||||||||||
|---|---|---|---|---|---|---|---|---|---|---|---|---|---|---|
 Sinua cistikolo
| ||||||||||||||
| Biologia klasado | ||||||||||||||
| ||||||||||||||
| Cisticola galactotes (Temminck, 1821) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Sinua cistikolo (Cisticola galactotes, iam Malurus galactotes) estas specio de birdo de la familio de Cistikoledoj kaj ties tipa genro Cistikoloj, kiuj estas malgrandaj birdoj ĉefe el Afriko, kvankam kelkaj specioj estas en Azio kaj nur unu ankaŭ en Eŭropo, nome la tre disvastigata Herbosilvio.
Tiu specio havas tre ruĝecbrunan kronon, helbrunan vizaĝon trapasatan de bruneca traokula strio kaj brunan dorson tre forte markita de dorsaj kaj flugilaj nigraj plumoj kun blankaj fajnaj bordoj. Ankaŭ en flugilbordoj estas ruĝecbrunaj plumoj. La larĝa vosto estas el malhelbruna al nigreca kun blankaj bordoj; sube estas hela kun nigraj markoj. Gorĝo kaj supra brusto estas blankeca kaj resto de subaj partoj estas helgrizaj aŭ helflavecaj. Kruroj estas ruĝecaj. Beko estas nigra kaj iriso bruna.
Ĝi formas superspecion kun la proksimaj C. luapula, C. marginatus, C. lugubris kaj C. haematocephala; ĉiu ofte traktataj kiel samspecifaj, sed separataj de kelkaj fakuloj surbaze de voĉa kaj plumaraj diferencoj; oni bezonas plian priserĉadon, uzante genetikajn markojn.
Oni agnoskas du subspeciojn: nome isodactylus W. K. H. Peters, 1868 – Suda kaj orienta Malavio, Mozambiko kaj malproksima sudorienta Zimbabvo kaj nomiga galactotes Temminck, 1821 - Suda Mozambiko kaj orienta marbordo de Sudafriko.
Ĝi troviĝas en Angolo, Benino, Bocvano, Burkino, Burundo, Kameruno, Centrafrika Respubliko, Ĉado, Respubliko Kongo, Demokratia Respubliko Kongo, Eburbordo, Eritreo, Etiopio, Gabono, Gambio, Ganao, Gvineo, Gvineo-Bisaŭa, Kenjo, Malavio, Malio, Maŭritanio, Mozambiko, Namibio, Niĝero, Niĝerio, Ruando, Senegalio, Sieraleono, Somalio, Sudafriko, Sudano, Tanzanio, Togolando, Ugando, Zambio kaj Zimbabvo.
Ties natura habitato estas subtropikaj aŭ tropikaj laŭsezone humidaj aŭ inunditaj herbejoj de malaltaj teroj kaj marĉoj.
Referencoj
[redakti | redakti fonton]- BirdLife International 2004. Cisticola galactotes[rompita ligilo]. 2006 IUCN Ruĝa Listo de Minacataj Specioj. Konsultita la 25an de julio 2007.
| ||||||||||||||||||
