Teatro je Meiningen
| Teatro je Meiningen | |||
|---|---|---|---|
| |||
teatra trupo 
| |||
| Komenco | 1831 vd | ||
| Geografia situo | 50° 34′ 24″ N, 10° 24′ 58″ O (mapo)50.57333333333310.416111111111Koordinatoj: 50° 34′ 24″ N, 10° 24′ 58″ O (mapo) | ||
| Lando(j) | Germanio vd | ||
| Situo | Meiningen | ||
| |||
 Teatro je Meiningen | |||
| Retejo | Oficiala retejo | ||
La Teatro je Meiningen (germane Meininger Theater) estas kvarfaka teatro en la turingia urbo Meiningen.
Priskribo
[redakti | redakti fonton]Ekde 1829 estiĝis sub la regado de Bernardo la 2-a (Saksio-Meiningen) laŭ la planoj de la brunsvika kortega arkitekto Carl Theodor Ottmer kaj sub la gvido de August Wilhelm Döbner modernega konstruaĵo kun 600 sidaj kaj 160 staraj lokoj laŭ klasikisma stilo. Aktorado en Meiningen memkompreneble estis ekinta jam pli frue. Elstara meceno teatra iĝis la posta duko Georgo la 2-a (Saksio-Meiningen).
La enemblo de la teatro prezentas muzikteatraĵojn (opero, opereto, muzikalo), dramojn, koncertojn kaj pupteatraĵojn. Krom tio la oferton kompletigas baletoj kaj junularteatraĵoj, kiujn produktas kaj prezentas la Turingia Landa Teatro je Eisenach. Alligita al la teatro krom tio estas la fama Kortega Kapelo je Meiningen. La tradiciriĉa teatro nomiĝas ankaŭ Sudturingia Ŝtata Teatro.
La teatrejo estas la naskigdomo de la ĝis nun praktikata moderna reĝioteatro. Fine de la 19-a jarcento ĝi estis diskoniginta ĉi tiun profundan teatroreformadon per multaj gastprezentadoj en tuta Eŭropo. Ĉi tiu tradicio i.a. igis la teatron de Meiningen unu el la gravaj teatroj ne nur en Turingio kaj sekurigas al ĝi ĝis nun apartan pozicion en la teatromondo. Tio stampis la memkomprenon de la urbo Meiningen kiel teatra urbo.
Vidu ankaŭ
[redakti | redakti fonton]- Karl Werder, berlina filozofo kaj duka konsilisto pri teatrofaro
- Ludwig von Alvensleben
- Max Eisfeld, aktoro
- Teatromuzeo de Meiningen