Tibor Hegedűs

Tibor Hegedűs
Persona informo
Naskonomo	Hegedűs Tibor
Naskiĝo	la 8-an de novembro 1898; en Budapeŝto (Hungario)
Morto	la 7-an de novembro 1984; en Budapeŝto
Tombo	Tombejo Farkasrét, 25-2-15
Ŝtataneco	Hungario
Alma mater	Universitato de Dramo kaj Filmo (–1921)
Familio
Frat(in)o	Lajos Viktor Hegedűs
Okupo
Okupo	aktoro ; teatrestro ; filmreĝisoro ; instruisto
	v • d • r

Tibor Hegedűs [hegedUŝ], laŭ hungarlingve kutima nomordo Hegedűs Tibor estis hungara aktoro, reĝisoro, teatrestro, altlerneja instruisto. Li estis inter reĝisoraj pioniroj de sonfilmoj kaj radioprogramoj en Hungario.

Tibor Hegedűs [1] naskiĝis la 8-an de novembro 1898 en Budapeŝto, li mortis la 7-an de novembro 1984 en Budapeŝto.

Biografio

Tibor Hegedűs batalis 3 jarojn dum la 1-a mondmilito, poste li estis ĵurnalisto en Miskolc. Li studis juron en Reĝa Universitato de Budapeŝto, tamen akiris aktoran diplomon en Teatra Akademio en 1921. Post siaj studoj li aliĝis al trupo de Teatro Belvárosi. Ekde 1925 li estis reĝisoro de Teatro Renaissance, poste de Teatro Belvárosi (1926) kaj Gaja Teatro (1927). Li ofte reĝisoradis ankaŭ en Hungara Radio. Inter 1938–1944 li instruis en la menciita akademio. Li estis teatrestro de Gaja Teatro en la teatra jaro 1943. Depost la 2-a mondmilito la komenciĝanta socialisma epoko puŝis lin randen, tamen li estis reĝisoro de Nacia Teatro (Szeged) (1946–1949), de Teatro de Hungara Armeo (1955–1957), de Teatro József Attila (1958-1961).

Li edziĝis en 1924, naskigis filon en 1928, divorcis en 1934.