Vincent de Chausenque
| Vincent de Chausenque | |
|---|---|
| |
| Persona informo | |
| Naskiĝo | 9-an de aprilo 1781 en Gontaud-de-Nogaret |
| Morto | 29-an de aprilo 1868 (87-jaraĝa) en Gontaud-de-Nogaret |
| Lingvoj | franca |
| Ŝtataneco | Francio 
|
Vincent DE CHAUSENQUE estis franca pireneisto, naskiĝinta la 9-an de aprilo 1781 en Gontaud (Lot-et-Garonne) kaj mortinta la 29-an de aprilo 1868 en la sama komunumo.
Post studoj ĉe la kolegio de Sorèze (Tarn), kie formiĝis lia gusto por natura historio, Chausenque eniris la inĝenieran lernejon de Metz en 1802. Du jarojn poste, kiel oficiro-topografo, li estis sendita al la Pireneoj, taskita pri la mapado de Tarbes, Lourdes kaj Barèges. Liaj unuaj ekskursoj ĉirkaŭ Barèges kaj Cauterets estis la komenco de pasio pri la pirenea montaro, kiu lin neniam forlasis. Li demisiis el la armeo en 1808 kaj iom distanciĝis de la Pireneoj ĝis 1822. De tiu dato li multigis ekskursojn laŭ la franca flanko de la montoĉeno.
Chausenque estis pli esploristo kaj amatora naturisto ol vera grimpisto. Tamen lia nomo estis donita al :
- la pinto Chausenque (3 204 metroj) en la masivo Vignemale, kies unuan grimpon li plenumis la 30-an de junio 1822 ;
- la ŝultro Chausenque (3 154 metroj), ankaŭ en la masivo Vignemale ;
- la breĉo Chausenque (2 790 metroj), kiun li transiris la 10-an de julio 1847 dum la unua konata supreniro de la pinto Néouvielle.