Baulmes

Ĝemelurboj
	Mont-Saint-Sulpice vd

Baulmes
	Blazono de Baulmes
	Blazono de Baulmes
	Baulmes, vidita de la preĝejo
	Baulmes, vidita de la preĝejo
komunumo en Svislando
Ĝemelurboj
	Mont-Saint-Sulpice vd
Kantono	Vaŭdo
Distrikto	Vaŭda Nordĵuraso
Koordinatoj	46° 47′ 27″ N 6° 31′ 19″ O / 46.79083 °N, 6.52194 °O (mapo)Koordinatoj: 46° 47′ 27″ N 6° 31′ 19″ O / 46.79083 °N, 6.52194 °O (mapo)
Nombro de loĝantoj	1008
Areo	22,53 km²
Alteco	656 m super marnivelo
Poŝtkodo	1446
Komunumkodo	5745
	Mapo de Baulmes
	Situa mapo de Baulmes
	v • d • r

Por samtitola artikolo vidu la paĝon Baulmes (stacidomo).

Baulmes estas komunumo en la distrikto Vaŭda Nordĵuraso en Kantono Vaŭdo, Svislando. Ĝi havis 1008 loĝantojn je la 31-a de decembro 2012.

Geografio

La komunumo Baulmes situas en la Ĵurasa Montaro, proksimume 8 kilometrojn okcidentnordokcidente de la distriktĉefurbo Yverdon-les-Bains. En Baulmes fontas la rivero Arnon, alfluanto de la Lago de Neŭŝatelo. La plej alta punkto de la komunumo situas sur alteco de 1559 m s.m. sur la ĵurasa kresto la pinto Aiguilles de Baulmes. La komunumo konsistas el la vilaĝo Baulmes la setlejo Six Fontaines kaj diversaj izolitaj bienoj.^[1]

La teritorio de la komunumo etendiĝas sur areo de 22,53 km², de kiuj 51,1% estas kovritaj de arbaro, 43,7% servas por agrikulturo kaj 4,0% por setlado. ^[2]

Najbaraj komunumoj

La komunumo Baulmes limas en nordo al Sainte-Croix,, en nordoriento al Vuiteboeuf, en sudoriento al Champvent, en sudo al Rances, en sudokcidento al L'Abergement, , en okcidento al Jougne (Franĉkonteo, Francio), kaj en nordokcidento al Les Hôpitaux Vieux (Franĉkonteo, Francio).

Trafiko

Baulmes situas flanke de la gravaj aŭtomobilaj trafikvojoj. Tra la komunumo pasas konekta vojo de Les Clées al Fontaines-sur-Grandson, krome kondukas de Baulmes vojoj al Champvent kaj al Rances. La plej proksima alveturejo al la svisa aŭtovojo A9 situas kvin kilometrojn sude de la komunumo apud Les Clées. Pere de la trajnlinio de Yverdon-les-Bains al Sainte-Croix la komunumo estas konektita al la publika transportreto.

Historio

La unua dokumenta mencio de Baulmes datiĝas el la jaro 652 kiel in loco Balmensi. En la komunumo estis trovitaj diversaj restaĵoj el la neolitiko kaj la bronzepoko kaj restaĵoj de fruhistoria fortikaĵo. En la jaro 63 la Duko Chramnelenus fondis en Baulmes monaĵejon konsekrita al la dipatrino Maria. En la 14-a jarcento la monaĥejo estis submetita al la Priorejo Payerne. En la jaro 1536 la priorejo estis akirita de Berno. En la jaro 1595 en Baulmes estis fondita hospitalo. Sub la berna regado ĝis la Helveta Revolucio de 1798 Baulmes apartenis al la Voktejo Yverdon. De 1798 ĝis 1809 la komunumo apartenis al la Distrikto Grandson kaj poste ĝis fino de 2007 al la Distrikto Orbe, kiu tiam surbaze de la administra reformo de 2006 estis integrita al la nova Distrikto Vaŭda Nordĵuraso.^[3]