Oberbipp

Oberbipp
	Blazono de Oberbipp
	Blazono de Oberbipp
	Aerbildo de Oberbipp fotita el balono la 16-an de aprilo 2011
	Aerbildo de Oberbipp fotita el balono la 16-an de aprilo 2011
komunumo en Svislando
Kantono	Berno
Administra distrikto	Supra Argovio
Malnova distrikto ĝis 2009	Wangen
Geografia situo	CH1903: 616692 / 234521 (mapo)47.2613888888897.6591666666667Koordinatoj: 47° 16′ N, 7° 40′ O; CH1903: 616692 / 234521 (mapo)
Nombro de loĝantoj	1554
Areo	8,5 km²
Alteco	500 m super marnivelo
Poŝtkodo	4538
Komunumkodo	0983
	Mapo de Oberbipp
	Mapo de Oberbipp
	v • d • r

Por samtitola artikolo vidu la paĝon Oberbipp (stacidomo).

Oberbipp estis ĝis la 31-a de decembro 2009 komunumo de la distrikto Wangen kaj ekde la 1-a de januaro 2010 komunumo de la administra distrikto Supra Argovio en Kantono Berno, Svislando. Ĝi havis 1554 loĝantojn je la 31-a de decembro 2009.

Geografio

La komunumo Oberbipp situas en la Svisa Mezlando ĉe la suda flanko de la Soloturna Ĵuraso. Al la komunumo apartenas krom la vilaĝo Oberbipp la setlejoj Buchli (kun propra tramhaltejo), Riedmatte, Säget, Räbe kaj Eichhof sude de la aŭtovojo.

Najbaraj komunumoj

La komunumo Oberbipp limas en nordo al Wolfisberg, en oriento al Niederbipp, en sudoriento al Bannwil, en sudsudoriento al Walliswil ĉe Niederbipp, en sudo kaj okcidento al Wiedlisbach, kaj en nordokcidento al Rumisberg.

Trafiko

Tra Oberbipp pasas la kantona ĉefvojo 5 respektive 12 de Olten respektive Bazelo al Soloturno. En sudo tra la komunumo pasas la svisa aŭtovojo A1, al kiu la komunumo disponas pri alvetureblo okcidente en Wiedlisbach kaj oriente en Niederbipp en ambaŭ direktojn en distanco de proksimume 4 kilometroj de la vilaĝocentro. Tra la komunumo pasas tramlinio de Niederbipp al Soloturno kun tri haltejoj sur la komunuma teritorio.

Vidindaĵoj

Plej grava vidindaĵo estas la Kastelo Bipp, kiu situas sur roko norde supre de la vilaĝo. Ĝi estis la centro de la historia senjorujo Bipp.

Historio

La unua dokumenta mencio de Bipp datiĝas el la jaro 968 kiel Pippa. La unua mencio pri Oberbipp (Supra Bipp) aperis en la jaro 1327 kiel Obern Bipp. Dum mezepoko la kastelo Bipp estis la centro de la Senjorujo Bipp kaj Oberbipp kun ĝi en la jaro 1413 fariĝis havaĵo de Berno kaj Soloturno. ^[1]