Charles Richet

Charles Richet
Nobel-premiito
Persona informo
Charles Richet
Naskonomo	Charles Robert Richet
Naskiĝo	26-an de aŭgusto 1850 (1850-08-26) en Parizo
Morto	4-an de decembro 1935 (1935-12-04) (85-jaraĝa) en Parizo
Lingvoj	franca • Esperanto vd
Ŝtataneco	Francio vd
Alma mater	Universitato de Parizo vd
Familio
Patro	Alfred Richet (mul) vd
Infanoj	Charles Richet (en) vd
Profesio
Alia nomo	Charles Epheyre vd
Okupo	kuracisto verkisto imunologo fiziologo psikologo esperantisto scienca esploristo vd
Laborkampo	Medicino kaj fiziologio vd
Doktoreca konsilisto	Charles Philippe Robin vd
Verkado
Verkoj	Q105946778 vd
Postenoj Postenoj prezidanto (1933–1933) vd
Honorigoj Honorigoj (1915)  prix de poésie de l'Académie française (en) (1913)  Nobel-premio pri fiziologio aŭ medicino vd
Membrecoj Membrecoj Accademia delle Scienze di Torino (1922–) Akademio de Sciencoj de Francio (1914–) Peterburga Akademio pri Sciencoj (korespondanta membro) (1912–) Akademio pri Sciencoj de Sovetunio Rusia Akademio de Sciencoj Akademio Nacia de Medicino vd
vd	Fonto: Vikidatumoj

Une Langue Auxiliaire Internationale, 1920.

Charles Robert RICHET [riŝe] (naskiĝis la 26-a de aŭgusto 1850 en Parizo, mortis la 4-a de decembro 1935 en Parizo) estis franca sciencisto, kiu ricevis la Nobel-premion pri medicino en la jaro 1913 pro lia priskribo de anafilaksio.

Profesoro ĉe la Fakultato de la Medicino, ano de la Scienca Akademio. Li publikigis sennombrajn verkojn pri medicino kaj ankaŭ poeziaĵojn, dramojn, romanojn. Li estis pioniro de la aviado, apostolo de la pacifismo, ktp. Li ankaŭ multe esploris la metapsikiajn fenomenojn kaj verkis traktaton pri la temo. Tiun ĉi branĉon de la scienco li nomis metapsikio (hodiaŭa parapsikologio).

Esperanto

Tia grandanima sciencisto estis destinita kompreni la E-an movadon. En ĉiu okazo li montris sian simpation, farante paroladojn, skribante artikolojn, ktp. Du el liaj verkoj: Paco kaj Milito kaj la tragedio: Sokrato estas tradukitaj Esperanten. Li ankaŭ verkis franclingve artikolon Une Langue Auxiliaire Internationale: L'Esperanto (t.e. Internacia Helplingvo: Esperanto), 1920.

En 1929, li fariĝis ano de Internacia Honora Komitato de Internacia Esperanto-Muzeo

Verkoj

• Paco kaj Milito, trad. Henri Vallienne, eld.de la societo Pacifisto, 1907(?)
• Une Langue auxiliaire internationale. L'Esperanto avec note annexe sur le mouvement espérantiste avant la guerre et depuis 1914, par M. le général Sebert, membre de l' institut. Parizo, 1920, 32 paĝoj, 27,5 X 22 cm.

	„ Teksto de la brila parolado farita la 13an de Marto 1920 de S-ro Charles Richet en la Soc. d'Encouragement pour l'industrie Nationale, 44 rue de Rennes, Paris ” — Belga Esperantisto n073-074 (mar-apr 1921)

• Sokrato. Kvarakta tragedio. Trad. Jean Couteaux, eld. la tradukinto, Paris, 1914?

	„ Belege tradukita verko. Stilo flua kaj pura. Tre facile komprenebla vojkonstruo . Ni vere devas bedaŭri, ke la esperantistaro ne havis la plezuron ĝui reprezentadon de tiu bela teatraĵo dum la 10a Universalala Kongreso, en kies programo tiu reprezentado sin trovis. ” — Belga Esperantisto n085-086 (mar-apr 1922)

Eksteraj ligiloj

• Enciklopedio de Esperanto/R en sia originala formo en la Interreto
• Enciklopedio de Esperanto en elŝutebla versio (PDF).

Referencoj

Trovu « Charles Richet » inter la Vizaĝoj de homoj rilataj al la ideo «Internacia Lingvo»