Jorquera
| Jorquera | |||
|---|---|---|---|
.jpg) | |||
municipo en Hispanio  vd
| |||
|
|
| ||
| Flago | Blazono | ||
| Administrado | |||
| Poŝtkodo | 02248 | ||
| Demografio | |||
| Loĝantaro | 346 (2023) [+] | ||
| Loĝdenso | 5 loĝ./km² | ||
| Geografio | |||
| Geografia situo | 39° 11′ N, 1° 31′ U (mapo)39.175277777778-1.5211111111111Koordinatoj: 39° 11′ N, 1° 31′ U (mapo) [+] | ||
| Alto | 682 m [+] | ||
| Areo | 67,97 km² (6 797 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Jorquera [+]
| |||
Jorquera [ĥorKEra] estas municipio en la Provinco Albaceto, sudoriente de Hispanio, en la regiono Kastilio-Manĉo kaj en la komarko Manĉeto aŭ La Manchuela, kun areo de 67,97 km². En 2019 estis 355 loĝantoj, laŭ informo de la hispana statistika servo INE. Ĝi estas je 47 km de la provinca ĉefurbo Albacete. Ĝi inkludas la submunicipojn Alcozarejos, Calzada de Vergara, Cubas y Maldonado.
Geografio
[redakti | redakti fonton]
Jorquera estas en la nordokcidento de la provinco Albacete sur monteto limigita unuflanke per la rivero Júcar, kiu trapasas la municipan teritorion de okcidento orienten laŭ serpenteca fluejo formanta kanjonon inter ravinoj 200 metrojn altaj, kaj aliflanke de la Cañada de Abengibre, kiuj kuniĝas en la Nova Ponto, en iam defenda areo, kiel pruvas la historio kaj la restaĵoj de la kastelo, kun muregoj konstruitaj de almohadoj en la 12a jarcento, kiuj ĉirkaŭas la supran parton de la monteto sur kiu kuŝas la nuna setlejo, apud la restaĵoj de la defendoturoj situaj je la du naturaj enrejoj, nome Puerta de la Villa kaj Puerta Nueva kun la Turo de Doña Blanca, restaŭrita kaj dediĉita al kulturaj ekspozicioj.
Proksimaj vilaĝoj estas Abengibre, La Recueja, Alcalá del Júcar, Alatoz, Bormate, Pozo-Lorente, Casas de Juan Núñez, Valdeganga, Fuentealbilla, Golosalvo kaj Casas-Ibáñez.
Historio
[redakti | redakti fonton].jpg)
La areo estis konkerita el la islamanoj fare de la reĝo Alfonso la 8-a en 1211 kaj definitive en 1212. Ĝi iĝis ĉefurbo de regno rilata al Kvenko, sed sendependa ekde 1266, pro ordono de Alfonso la 10-a. En 1833 ĝi integriĝis en la ĵus kreita Provinco Albacete, unue en la regiono Kastilio la Nova, poste en la Regiono Murcio kaj poste, en 1982, en la regiono Kastilio-Manĉo.
En la 1920-aj jaroj estis pli ol 2500 lokanoj, poste okazis forta elmigrado ĝis la nunaj inter 300 kaj 400.
Ekde la Hispana Transiro al demokratio la urbestro estis dekstrulo.
Ekonomio
[redakti | redakti fonton]La ekonomio de Jorquera estas fundamentata sur la agrikulturo, speciale en la kultivo de la vitoj, olivarboj, migdalarboj kaj cerealoj, malgrandaj fruktoĝardenoj kaj naturaj fontoj. Kelkaj familio plutenas la kultivon de safrano.