Miĥail Georgiev Zdravev

Miĥail Georgiev Zdravev Михаил Георгиев Здравев
Persona informo
Naskiĝo	16-an de aŭgusto 1923 en Koprivŝtica
Ŝtataneco	Bulgario
Okupo
Okupo	aktoro
Okupiganto	aktoro kantisto reĝisoro
Konata kiel	Miŝo Zdravev

Miĥail Georgiev Zdravev (bulgare Михаил Георгиев Здравев, naskiĝis la 16-an de aŭgusto 1923 en Koprivŝtica) – bulgara esperantisto, artisto, kantisto kaj reĝisoro.

Biografio

Miĥail Georgiev Zdravev naskiĝis en Koprivŝtica. Lia patrino estis aktorino. Dum sia infaneco Zdravev jam rolis en teatraĵoj. Post fino de gimnazio li iĝis aktoro. Li laboris en teatro en Burgaso, poste en Armea Teatro en Sofio. Li ankaŭ partoprenis en radiaj elsendoj de Bulgara Radio.

Li iĝis esperantisto verŝajne en 50. jaroj de XX jc. Kiel espernatlingva aktoro li ludis en Bulgara Esperanto-Teatro.

En 1985 li iniciatis surbendigon de la dramo „Ni vivos!”. La ideon apogis Hristo Gorov, tiama prezidanto de Bulgara Esperanto-Asocio. En la surbendigo de la dramo, kiu okazis en Bulgara Radio, ludis aktoroj de Bulgara Esperanto-Teatro. Zdravev rolis la nazian oficiron Adler.

En 2002 Zdravev ludis en Esperanta komedio „Invento de l’jarcentoj” kiu estis prezentita i.a. dum 54 IFEF Kongreso.

Li ofte prezentis esperantlingvajn teatraĵojn duope, kun bulgara esperanta aktorino Margarita Duparinova.

Diskaro

• Bonan nokton! (1970, eldonejo Балкантон)

1. Bonan Nokton!
2. Steletoj
3. Mia Kubo
4. Ludvika Aleksandra

• Kantas Miŝo Zdravev (1971, eldonejo Балкантон)

1. La Unua Tago De La Printempo
2. Mia Gitaro

• Ĝojo (1982, eldonejo Балкантон)

1. Venu en Borovec
2. Ĝojo

• Servu Ni ! (eldonejo Балкантон)

1. Servu Ni !
2. Revenu Vi !
3. Ropotamo
4. Mia Eta Ĝim