Rohrbachgraben

Rohrbachgraben
	Blazono de Rohrbachgraben
	Blazono de Rohrbachgraben
	Rohrbachgraben
	Rohrbachgraben
komunumo en Svislando
Kantono	Berno
Administra distrikto	Supra Argovio
Malnova distrikto ĝis 2009	Aarwangen
Geografia situo	CH1903: 627527 / 219059 (mapo)47.1219444444447.8013888888889Koordinatoj: 47° 7′ N, 7° 48′ O; CH1903: 627527 / 219059 (mapo)
Nombro de loĝantoj	428
Areo	6,48 km²
Alteco	634 m super marnivelo
Poŝtkodo	4938
Komunumkodo	0339
	Mapo de Rohrbachgraben
	Mapo de Rohrbachgraben
	v • d • r

Rohrbachgraben (prononcu rorbaĥgrabn) estis ĝis la 31-a de decembro 2009 komunumo de la distrikto Aarwangen kaj ekde la 1-a de januaro 2010 komunumo de la administra distrikto Supra Argovio en Kantono Berno, Svislando. Ĝi havis 428 loĝantojn je la 31-a de decembro 2010.

Geografio

La komunumo Rohrbachgraben situas en la Svisa Mezlando proksimume 12 kilometrojn sude de la urbo Langentahl en flanka valeto de la valo de la rivero Langete, nordokcidente de la Napf-regiono. Tra la komunumo fluas la rojo Wissachen. La komunumo konsistas el la vilaĝo Rohrbachgraben kaj la setlejoj Gansberg (sur alteco de 750 m s.m.), Geri (sur alteco de 658 m s.m., kie situas la sportcentro Schwarzenbach), Oberer Glasbach (sur alteco de 708 m s.m.), Unterer Glasbach (sur alteco de 619 m s.m.), Matte (sur alteco de 699 m s.m.), Schwarzenbachberg (sur alteco de 665 m s.m.), Wald (sur alteco de 646 m s.m.) kaj Wil (sur alteco de 620 m s.m.), kaj diversaj izolitaj bienoj kaj domgrupoj.

La teritorio de la komunumo etendiĝas sur areo de 6,48 km², de kiuj 27,8% estas kovritaj de arbaro, 69,1% servas por agrikulturo kaj 2,9% por setlado. ^[1]

Najbaraj komunumoj

La komunumo Rohrbachgraben limas en nordo al Rohrbach, en oriento al Huttwil, en sudo al Dürrenroth, en okcidento al Walterswil, en nordokcidento al Ursenbach, kaj en nordnordokcidento al Kleindietwil, kiu ekde la 1-a de januaro 2011 apartenas al Madiswil.

Trafiko

Rohrbachgraben situas tute flanke de la gravaj trafikvojoj. La komunumo atingeblas per mallarĝaj flankaj vojoj de Walterswil, Rohrbach kaj Dürrenroth. La plej proksima alveturejo al la svisa aŭtovojo A1 situas proksimume 20 kilometrojn okcidente apud Kirchberg. La komunumo ne estas konektita al la publika transportreto. La plej proksima trajnhaltejo situas en distanco de 2 kilometroj en Rohrbach.