Wangen ĉe Aro

Wangen ĉe Aro
	Blazono de Wangen ĉe Aro
	Blazono de Wangen ĉe Aro
	Wangen ĉe Aro vidita el balono
	Wangen ĉe Aro, fotita la 16-an de aprilo 2010 el balono
komunumo en Svislando
Kantono	Berno
Administra distrikto	Supra Argovio
Malnova distrikto ĝis 2009	Wangen
Geografia situo	CH1903: 616021 / 231152 (mapo)47.23117.65018Koordinatoj: 47° 14′ N, 7° 39′ O; CH1903: 616021 / 231152 (mapo)
Nombro de loĝantoj	2033
Areo	5,23 km²
Alteco	423 m super marnivelo
Poŝtkodo	3380
Komunumkodo	0992
	Mapo de Wangen ĉe Aro
	Mapo de Wangen ĉe Aro
	v • d • r

Por aliaj signifoj, bv. rigardi la apartigilan paĝon: Wangen

Wangen ĉe Aro estas historia urbeto komunumo en la distrikto Wangen en Kantono Berno, Svislando. Ĝi havis 2033 loĝantojn je la 31-a de decembro 2008.

Geografio

La mezepoka urbeto Wangen situas ĉe la bordo de la rivero Aro meze inter la urboj Soloturno kaj Olten. En Wangen troviĝas grava bazo de la svisa armeo. La komunumo konsistas el la historia urbeto Wangen kaj la vilaĝetoj kaj setlejoj Bärnerschachen en nordokcidento de la urbeto ĉe la norda bordo de Aro, kiu ĝis 1881 estis parto de Attiswil, Hofure okcidente de la urbeto ĉe la suda flanko de Aro, Pfaffenacher inter Hofure kaj la urbo, Allmend sude de la urbo, kaj oriente de la urbo Fridberg, kaj krome kelkaj izolitaj bienoj.

La teritorio de la komunumo etendiĝas sur areo de 5,23 km², de kiuj 27,9% estas kovritaj de arbaro, 41,3% servas por agrikulturo kaj 22,2% por setlado. ^[1]

Najbaraj komunumoj

La komunumo limas en nordo al Attiswil kaj Wiedlisbach, en oriento al Walliswil ĉe Wangen, en sudo al Wangenried, kaj en okcidento al Deitingen kaj Flumenthal (ambaŭ en Kantono Soloturno).

Trafiko

Wangen troviĝas ĉe la pli suda el la du fervojlinioj de Svisaj Federaciaj Fervojoj inter Olten kaj Soloturno. La urbeto disponas ankaŭ pri propra alveturejo al la svisa aŭtovojo A1.

Vidindaĵoj

En la mezepoka urbeto Wangen ĉe Aro troviĝas multaj vidindaĵoj. Inter ili rimarkindas:

La ligna ponto trans Aro
La selodomo
La reformita preĝejo
La malnova urbocentro
La temposonorilturo
La kastelo, kie hodiaŭ situas la administracio de la administra distrikto Supra Argovio

Historio

La urbeto Wangen estis konstruita de la Grafoj de Kiburgo en mezepoko kiel protektejo por transirejo tra la rivero Aro (rivero) kaj transiris je la komenco de la 15-a jarcento al la posedaĵo de la urbo Berno. Wangen nun fariĝis berna kamparvojtejo. La urbeto Wangen estis ĝia ĉefloko kaj armea bazo, rolon, kiun Wangen gardis ĝis la nun tempo. Post la fino de la Helveta Respubliko el la iama voktejo fariĝis en la jaro 1803 berna ĉefdistrikto kaj ek da 1831 la distrikto Wangen, la urbeto daŭre konservis sian rolon kiel ties ĉefloko.