Sarotruredoj
 | ||||||||||
|---|---|---|---|---|---|---|---|---|---|---|
 Makula sarotruro (Sarothrura pulchra)
| ||||||||||
| Biologia klasado | ||||||||||
| ||||||||||
Aliaj Vikimediaj projektoj
| ||||||||||
Sarotruredoj aŭ Sarothruridae estas familio de mezaj al malgrandaj surgrundemaj birdoj troviĝantaj ĉefe en Madagaskaro kaj sub-Sahara Afriko, el kiuj la genro Rallicula estas limigita al Nov-Gvineo kaj Molukoj. La specioj en tiu familio estis iam konsiderataj ene de la pli granda rala familio Rallidae.[1]
Tiuj birdoj estas tre similaj al malgrandaj membroj de Rallidae supraĵe, kaj tipe ili havas brunecajn kaj nigrecajn plumarojn kun pli helaj (blankaj aŭ sablokoloraj) bildomodeloj. Tamen, ties ovoj estas pure blankaj, kaj en ili mankas la punkteco de la ovoj de Rallidae. Escepte ĉe Mentocrex, ili havas tre markitan seksan dimorfismon, dum en Rallidae la seksoj ĝenerale ne povas esti distingataj en naturo. La maskloj de Sarothruridae diferenciĝas el inoj laŭ baza koloraro je varia etendo, kaj iliaj flugiloj kaj foje ventroj estas tipe senmarkaj, aŭ ornamitaj per makuletoj aŭ laŭlongaj strioj; inoj kontraste havas striecajn modelojn, en kelkaj specioj konsistantaj de distingaj punktoj aranĝitaj laŭ vertikalaj strioj. Krome Raledoj havas grincan, kvakan, fajfan aŭ raspan voĉojn, ofte sufiĉe altan laŭ sia korpograndeco, dum Sarotruredoj havas surprize (konsiderante sian grandecon) mallaŭtajn huadon aŭ ĝemantajn voĉojn rememorigajn pri strigoj.
Genroj kaj specioj
[redakti | redakti fonton]La familio enhavas tri genrojn.[2]
Sarotruroj
[redakti | redakti fonton]- Makula sarotruro (Sarothrura pulchra)
- Eleganta sarotruro (Sarothrura elegans)
- Rufa sarotruro (Sarothrura rufa)
- Funebra sarotruro (Sarothrura lugens)
- Boehm-sarotruro, Boema sarotruro (Sarothrura boehmi)
- Strisarotruro (Sarothrura affinis)
- Insula sarotruro (Sarothrura insularis)
- Ayres-sarotruro, Ajresa sarotruro (Sarothrura ayresi)
- Waters-sarotruro, Vatersa sarotruro (Sarothrura watersi)
Kromaj genroj
[redakti | redakti fonton]- Genro Mentocrex (Madagaskaraj arbar-raloj; 2 specioj) - iam en Canirallus
- Kioloida mentokrekso (Mentocrex kioloides)
- Cingiralo (Mentocrex beankaensis)
- Genro Rallicula (Aziaj arbar-raloj; 4 specioj) - iam en Rallina
- Blankastria ralikulo (Rallicula leucospila)
- Ruĝa ralikulo (Rallicula rubra)
- Forbesa ralikulo (Rallicula forbesi)
- Majra ralikulo (Rallicula mayri)
Referencoj
[redakti | redakti fonton]- ↑ (2014) “Deep global evolutionary radiation in birds: Diversification and trait evolution in the cosmopolitan bird family Rallidae”, Molecular Phylogenetics and Evolution 81, p. 96–108. doi:10.1016/j.ympev.2014.09.008.
- ↑ Flufftails, finfoots, rails, trumpeters, cranes, limpkin. IOC World Bird List Version 10.1. International Ornithologists' Union (2020). Alirita 5 June 2020 .
| ||||||||||||||||||